«Servistik әkimdik». Búl – týrli memlekettik qyzmetter kórsetetin mekemelerdi bir ortalyqqa shoghyrlandyrghan arnayy oryn. El arasynda «әinek әkimdik» atalyp ketken múnday ortalyqtar qazirgi uaqta Respublikamyzdyng ónir-ónilerinde ashylyp jatyr.

Alghash ret «Servistik әkimdik» turaly әngime Elbasy Núrsúltan Nazarbaevtyng Joldauynda aitylyp, memlekettik organdar júmysyn ontaylandyru, halyqqa úsynylatyn qyzmet tәrtibin jenildetu turaly tapsyrma ayasynda qolgha alynghan edi. Osylaysha alghash bolyp Almaty oblysynda «Servistik әkimdik» ashyldy.

Halyqqa qyzmet kórsetuding búl formaty Memleket basshysy Qasym-Jomart Toqaevtyng «estiytin memleket» konsepsiyasyna da dәlme-dәl keletinin sarapshylar aituda. Al Almaty oblysynda juyrda dәl osynday jәne bir «Servistik әkimdik» ashylghany aqparatta tarady. Sonymen «Servistik әkimdik» halyqqa tiyimdi me? Múnday әkimdikter ashu Respublika boyynsha qalay jýzege asyrylyp jatyr? Biz bir sholyp shyqqan edik...

Almaty oblysy

Amandyq Batalov myrza tizginin ústaytyn Almaty oblysynda jyl sonyna deyin barlyq audandar men qalalarda «Servistik әkimdikter» ashylu josparlanyp otyr eken. Búl turaly әkimdikting baspasóz qyzmeti mәlimdedi.

Qazirgi tanda oblysta múnday әkimdikter 7 audanda bar eken. Olar Aqsu, Kóksu, Balqash, Qaratal, Qarasay jәne Rayymbek audandary men Taldyqorghan qalalarynda halyqqa qyzmet kórsetude.  Ondaghy halyqqa kórsetiletin qyzmet týrleri men qyzmet kórsetushi mekemeler ókilderi bir oryngha shoghyrlandyrylghan. Osylaysha, azamattargha qyzmet úsynu tәtibi jenildetilgen. Barlyq mekeme ókilderi «Open space» formatynda, azamattargha ashyq kabinkalarda otyryp qyzmet kórsetedi eken.

Atalghan «Servistik әkimdikterdi» jyl sonyna deyin ónirdegi ózge de audandarda ashu qajettiligi tuyndap otyrghanyn Almaty oblysy Sybaylas jemqorlyqqa qarsy kýres departamentining basshysy Ernar Maqajanov aitty.

«Qazir oblysymyzda osynday jeti әkimdik bar. Biraq, búl respublika boyynsha tómen kórsetkish. Sondyqtan, jyl sonyna deyin oblystaghy barlyq audandarda osynday әkimdikter ashyluy kerek», - deydi Maqajanov myrza.

Ayta keteyik, osydan 1,5 jyl búryn Qazaqstanda alghash bolyp «Servistik әkimdik» osy Almaty oblysynda ashylghan. Osyghan baylanysty oblys әkimi Amandyq Ghabbasúly: «Kenseler men mekemelerge kiru shektelgen qazirgidey tar kezende «Servistik әkimdikter» halyqqa qyzmet kórsetuding eng ontayly formaty ekenine kózimiz jetti. Sondyqtan, jyl sonyna deyin oblystaghy barlyq audandar men qalalarda «Servistik әkimdikter» ashylatyn bolady», - dedi.

Aqmola oblysy

Dәl osynday «Servistik әkimdikter» Aqmola oblysynda da ashylyp jatyr eken. Juyrda Aqmola oblysynyng Jarqayyng audanynda janadan «Servistik әkimdik» ashylghany aqparatta aityldy. Búl oblys aumaghynda ashylghan eng songhy «Servistik әkimdik» bolyp otyr. Osylaysha, Aqmola oblysynyng barlyq auldandary men qalalarynda «bir tereze» formatynda júmys isteytin ashyq әkimdikter óz júmysyna tolyq kirisken.

«Servistik әkimdiktin» ashyluynda sóz alghan oblystyq Sybaylas jemqorlyqqa qarsy kýres departamentining ókili Arman Berdaliyn: «Servistik format búl birinshi kezekte – sybaylas jemqorlyqtyng aldyn alu men jong ýshin qolgha alynghan bastama. Preziydent Qasym-Jomart Toqaev memlekettik qyzmetting ashyqtyghy, qoljetimdiligi, kórsetiletin qyzmetting jýieliligi turaly naqty tapsyrmalar bergen edi. Búl mindetter men tapsyrmalardy jýzege asyruda atalghan tәjirbiyening bereri mol», - dedi.

«Servistik әkimdik» qyzmeti – búl «bir tereze» formatymen júmys isteytin әkimdik. Yaghni, azamattar qújat jinap әr kenselerge sabylmay, barlyq júmysyn bir jerden ayaqtap shyghady.

Aqtóbe oblysy

Biyl tamyz aiynda Aqtóbe oblysynyng Áyteke by audanynda da «Servistik әkimdik» ashylghan. Onda túrghyndardyng sapaly әri jedel, kәsiby qyzmet týrlerin alugha barlyq jaghday jasalghan. Arnayy mamandar qabyldaular jýrgizip, kezdesuler ótkizedi eken. Sonday-aq, osy әkimdikte Halyqqa qyzmet khórsetu ortalyghy da ornalasqan. Osylaysha, barlyq mekemeler bir ortalyqqa shoghyrlandyrylghan.

Jambyl oblysy

Al Jambyl oblysynda osymen altynshy «Servistik әkimdik» paydalanugha berilgen. Atalghan әkimdik Jambyl audanynyng Taraz qalasynda ashylghan. Ol jerde oblys túrghyndaryna kәsipkerlik, túrghynýi, kommunaldyq jәne auyl sharuashylyq, qúrylys t.b. salalar boyynsha qyzmet kórsetiledi dep josparlanghan. Úzyn-yrghasy 20-dan astam memlekettik qyzmet týrleri bir ortalyqtan júmys jasaydy.

«Open space» formatyndaghy front-ofisting Taraz qalasynyng әkimdigi men Memlekettik qyzmet isteri agenttigi birlese otyryp jýzege asyrghan. Qazirgi tanda jambyl oblysynyng Talas, Merki, Shu, Sarysu audandarynda júmys jasap jatyr. Aldaghy uaqytta Rysqúlov jәne Qorday audandarynda osynday «Servistik әkimdikter» ashu josparlanghan.

Týrkistan oblysy

«Servistik әkimdik» Týrkistan oblysynyng Keles audanynda da ashylghan. Halyqtyng sifrlyq sauatyn kóteru men sybaylas jemqorlyqtyng aldyn alu maqsatynda ashylghan osynday әkimdikter ónirdegi ózge de audandar men qalalarda ashylady dep josparlanyp otyr.

Abai.kz