Búghan deyin Azattyqtyng Ózbek qyzmeti Berdiyevting jaqyndaryna silteme jasap belsendining Qazaqstannan deportasiyalanghanyn habarlaghan. Ol kezde Qazaqstan men Ózbekstannyng resmy biyligi búl aqparat jayly eshqanday mәlimdeme jasamaghan edi. Belsendining advokaty da ekstradisiya turaly eshtene aitpaghan.
Tashkent ishki ister basqarmasy "Berdiyevting ekstradisiyasy onyng oppozisiyalyq ústanymymen baylanysty emes" dep mәlimdedi.
"Hurram Berdiyev Ózbekstan Qylmystyq kodeksining "Adam saudasy" babymen aiyptalyp otyr. Oghan basqa aiyp taghylmaghan" dedi basqarmasynyng baspasóz qyzmeti.
Shymkent sotynyng qaulysyna say, 2020 jyly aqpanda Berdiyevke halyqaralyq izdeu jariyalanghan. Keyin ol ústalyp, Qazaqstan IIM 167/11 tergeu izolyatoryna qamalghan.
Ózbekstan biyligi "Berdiyevke 2013 jyly adam saudasymen ainalysty degen aiyp taghylyp, 2014 jyly izdeu jariyalanghanyn" aitady. Tergeushilerding dereginshe, "Berdiyev birneshe adamdy aldap, Shymkentke júmysqa aparyp, qújattaryn alyp qoyghan. Keyin olardy tegin júmys isteuge mәjbýrlegen".
"Erk" partiyasynyng mýshesi, ózbekstandyq belsendi Dilorom Isokova aiypty qoldan úiymdastyrylghan dep mәlimdedi.
"Qazaqstangha júmysqa barghan adamdar Ózbekstandaghy tuystaryna aqsha salyp, telefonmen sóilesken. Múny Qazaqstandaghy telefon kompaniyalary men aqsha audaru qyzmetteri úsynghan qújat dәleldeydi" dedi ol.
Ózbekstanda "Erk" partiyasyn 1980 jyldardyng sonynda aqyn Múhammad Salih qúrylghan. Ol 1991 jyly preziydent saylauynda Islam Karimovting basty qarsylasy bolghan. Keyin ol elden ketuge mәjbýr boldy.
58 jastaghy Berdiyev – "Mazlum" qúqyq qorghau ortalyghyn qúrushylardyng biri. Ol da elden ketuge mәjbýr bolyp, birneshe jyldan beri Qazaqstanda túryp jatqan. Ony deportasiyalau turaly sot sheshiminde, Berdiyevting Qazaqstan azamattyghyn ya bosqyn mәrtebesin súramaghany jazylghan.
Berdiyev búghan deyin Europa odaghynyng 2005 jyly 13 mamyrdaghy Ándijan qyrghynyna halyqaralyq tergeu úiymdastyrudy qoldaghan. Qúqyq qorghaushylar osy qoldaudan keyin biylik Berdiyevke qysymdy kýsheytti dep sanaydy.
Abai.kz
