Jwma, 18 Qırküyek 2020
COVID-19 QAZAQSTANDA. Jwqtırğandar — 107134. Jazılğandar — 101610. Qaytıs bolğandar — 1671
46 - söz 1590 17 pikir 13 Tamız, 2020 sağat 15:49

Äkimderdi halıq özi saylasın!

Aşıq talqılauğa wsınamın! Sizderdiñ wsınıs pikirleriñdi eskere otırıp, bilikke talap qoyamız.

Birinşi: Şwğıl türde «Saylau turalı» zañdı özgertu kerek.

Zañda saylauşınıñ dausı wrlanbaytınday jağday boluı qajet. Dauıstı qarsılas jaqtıñ baqılauşıları aşıq sanauğa mümkindik jasalsın. Saylauda ädildik bolmasa, halıqtıñ dausı wrlansa, onda qoğam damımaydı.

Ädiletsizdik bolğan jerde, halıqtıñ tolquına, tolqudıñ artı töñkeriske, tökeristiñ soñı qantögiske alıp keledi. Bwl - Täuelsizdikke qater degen söz!

Ekinşi, jañadan saylau turalı zañı qabıldanğan kezde, auıl, audan, qala, oblıs äkimderin jergilikti halıqtıñ özi saylasın. Halıq ruğa, wltqa bölinedi, halıq saylauğa dayın emes, deu ol - halıqtı qorlau! Äkimderdi halıq saylasa, äkimder halıqqa qızmet etedi, bolmasa ornınan ketedi. Al, qazirgi äkimder halıqqa emes, özin tağayındağandarğa köp jaltaqtaydı.

Üşinşi, Qazaqstanğa qos palatalı parlament kerek emes, Senattı taratu qajet.

Parlament deputattığına partiyalıq tizimmen, äri öz-özin wsınu arqılı saylanuğa jağday jasalsın. Partiyada joq twlğalar da, parlament deputatı boluğa qwqılı bolsın. QR azamatın partiyada bar, partiyada joq dep böluge bolmaydı.

Törtinşi, «Halıq assambleyası» tarasın!

Qazaqstan Respublikasınıñ azamattarın wltına qaray böluge bolmaydı. Zañ bärine birdey bolsın. Halıqtar assambleiyasına bölingen milliardtar ğılımğa jwmsalsın.

Besinşi, mektep, auruhana, arnaulı, joğarğı oqu orındarınıñ basşıların, özderi qızmet etetin wjımnıñ müşeleri saylasın.

Jänibek Qojıqtıñ jazbası

Abai.kz

17 pikir