Jýrgizushilerding aituynsha, kelisim-shart boyynsha әrqaysysy kýnine 10 myng tengeden aluy tiyis bolghan, biraq búl aida olargha nebәri 4-5 myng tengeden tólengen.
– Jýrgizushiler kýnine 10 myng tengeden aluy tiyis, olar konduktorlardy da alyp tastady, sol ýshin qosymsha kýnine 2,5 myng tengeden tóleuge uәde bergen. Biraq uәdelerin oryndamady, kerisinshe kýndik jalaqyny 4,5 myngha deyin qysqartyp tastady, – dedi búrynghy konduktor Nataliya Boriysevich. Ol qazir Semey Bus kompaniyasymen sottasyp jýr.
Júmysshylardyng sózine qaraghanda olar osyghan deyin basshylyqqa shaghymdanghan kezde "kimge únamaydy, júmystan kete bersenizder bolady" degen jauap alghan. Oqigha ornyna polisiya qyzmetkerleri tez jetti.
Aksiya bastalghannan keyin shamamen eki saghat uaqyt ótken song qalalyq әkimdikting kólik bólimining jetekshisi Serikqaly Júmanov keldi. Ol qyzmetkerlerdi sabyrgha shaqyryp, 3 tamyzdan bastap avtoparkting júmysyn baqylaytyn tekseru komissiyanyng júmysqa kirisetinin aitty.
"Bes júmysshyny tandayyq ta sóileseyik" dedi bólim bastyghy. Al kópshilik bәrining aryz-shaghymy baryn aityp, әkimdik ókilining úsynysymen kelispedi.
Jýrgizushiler aksiya kezinde jalaqymen qatar, medisinalyq saqtandyru, zeynetaqy jarnasynyng joqtyghyna, aiyppúl jii tóleytinine shaghymdandy.
"Tipti my qaynatqan ystyqta da jabyq bәtenke kiyinder deydi. Sol ýshin jýrgizushilerdi jazalaydy" dedi narazylardyng biri.
Avtopark ýlesining 49 payyzy Semey әkimdigine tiyesili. Jýrgizushiler әkim Ermak Sәlimovting keluin talap etti. Al әkim kelgenmen narazylarmen kezdesuden bas tartty. Ol park aumaghynan ótip, ereuilge qosylmay onasha túrghan adamdarmen sóilesti.
Sәlden song polisiya qyzmetkerleri adamdardy eki jaqqa ysyryp, qaqpadan birneshe avtobustyng ótuine mýmkindik jasady. Narazy jýrgizushiler mәseleleri sheshilmeyinshe júmysqa shyqpaytynyn aitty.
Avtopark júmysshylary kәsipodaq qúrghanyn habarlap, qol jinay bastady. Songhy mәlimet boyynsha, oghan 78 adam qol qoyghan.
Semey Bus kompaniyasynyng qyzmetkerleri júmys berushining әreketine shaghymdanyp, búghan deyin de narazylyq aksiyasyna shyqqan. 14 shildede jalaqynyng on kýnge keshiktiriluine narazy bolghan. Olar sonymen birge jartysy Semey әkimdigine tiyesili kompaniyasyn tútas tekserudi de talap etken. Biylik kәsiporyngha qarjylyq tekseru jýrgizuge uәde bergen.
Abai.kz
