Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
Bilik 675 0 pikir 6 Tamız, 2020 sağat 12:02

Memleket basşısı Livan Prezidentimen telefon arqılı söylesti

Memleket basşısı Qasım-Jomart Toqaev Livan Respublikasınıñ Prezidenti Mişel' Aunmen telefon arqılı söylesti.

Qasım-Jomart Toqaev Beyrut portındağı jarılıs saldarınan qaza tapqan adamdardıñ jaqındarı men tuıstarına köñil aytıp, zardap şekkenderdiñ tezirek sauığıp ketuine tilektestik bildirdi.

Jarılıs kezinde Qazaqstannıñ diplomatiyalıq ökildiginiñ ğimaratı bülinip, bir qızmetkerdiñ jeñil jaraqat aluına baylanıstı Qasım-Jomart Toqaev Mişel' Aunğa Beyrutte jürgen Qazaqstan azamattarınıñ (200-den astam) qauipsizdigin qamtamasız etudi swradı.

Memleket basşısı Livannıñ oñtüstiginde BWW Uaqıtşa küşteriniñ qwramında qazaqstandıq 120 bitimger sarbazdıñ öz mindetterin layıqtı äri joğarı deñgeyde atqarıp jatqanın atap ötti. Osı orayda Qasım-Jomart Toqaev Livan ükimeti qazaqstandıq äskeri qızmetşilerdiñ auısuı kezinde olardıñ qauipsizdigin saqtau üşin qajetti kömek körsetetinine senim bildirdi.

Äñgimelesu barısında taraptar Qazaqstan men Livan arasındağı qarım-qatınastardı odan äri keñeytu mäseleleri boyınşa pikir almastı. Qasım-Jomart Toqaevtıñ pikirinşe, Livan Qazaqstannıñ Tayau Şığıstağı mañızdı seriktesi jäne eki eldiñ ıntımaqtastığına basa män beriledi.

Öz kezeginde Mişel' Aun Qasım-Jomart Toqaevqa osınday qiın-qıstau kezeñde telefon şalıp, qoldau körsetkeni üşin rizaşılığın bildirip, onıñ jılı lebizin Livan halqına jetkizetinin ayttı. Sonday-aq Livan biligi Qazaqstan azamattarı men diplomattarınıñ qauipsizdigin qamtamasız etu üşin barlıq qajetti şaralardı qabıldaytının jetkizdi.

Livan Prezidenti Qazaqstanmen aradağı ekijaqtı jäne köpjaqtı formattağı is-qimıldardı odan äri nığaytu maqsatında birlese tığız jwmıs isteuge müddeli ekenin naqtıladı.

Sonımen qatar Mişel' Aun Qazaqstannıñ BWW mandatı ayasındağı bitimgerşilik qızmetin joğarı bağalap, elimizdiñ öñirlik jäne jahandıq qauipsizdikti qamtamasız etudegi rölin atap ötti.

Abai.kz

0 pikir