Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102219. Qaytıs bolğandar — 1699
1215 2 pikir 30 Şilde, 2020 sağat 13:11

Nwrlan Nığmatulin: Deputattar şetelde demalıp jatqan joq, bäri elde

Belgili qoğam belsendisi Baqıtjan Töreğojina deputattardıñ jazğı kanikul kezinde nemen aynalısıp jürgenin anıqtau maqsatında wyımdastırğan monitoringi äleumettik jelide qızu talqılap jatır.

QR Parlamenti Mäjilisiniñ Törağası Nwrlan Nığmatulin Mäjilis deputattarınıñ jazğı kanikul kezinde şetelde demalıp jatır degen aqparattı joqqa şığarıp, oyın ortağa saldı.

Tömengi palatanıñ jetekşisi Nwrlan Nığmatulin qazirgi tañda deputattardıñ aymaqtarda jwmıs istep jatqanın alğa tarttı. Sonday-aq, ol biıl deputtardıñ jazğı demalısın qalay ötkizip jatqanı pandameya kezinde jwrttıñ qızığuşılığın oyatqanın da atap ötti.

– «Parlamenttik kanikul» degenniñ atı bolmasa, jazda deputattar öz aymaqtarına barıp jwmıstarın jalğastıradı. Biıl indetke baylanıstı mäjilismenderdiñ halıqpen kezdesuine şekteu qoyılğanı belgili. Biraq bizdiñ alıs auıl-audandarğa barıp, ondayğı jağdaymen tanısu jwmıstarı jalğastırudamız. Tek halıqtı jinap, jüzdesu ötkizbeymiz.

Büginde deputattar jergilikti jerlerdegi monitoringtik toptarmen birge därihanalar men emhanalarğa barıp qoğamdıq baqılau jürgizude. Bwdan basqa aymaqtarda däri-därmektiñ kölemi men bağasın da nazarda wstap, indetpen küresip jatqan därigerlerge jağday jasau mäselesine de barınşa köñil bölip otırğanın aytqım keledi.

Sonımen qatar deputattar gumanitarlıq kömekterdi jetkizip, taratu jwmıstarına, volonterlik ortalıqtardıñ jwmısına belsene aralasuda. Mwnday qiın kezeñde deputattar da qarap jatqan joq. Elmen birge qiındıqtı eñseruge küş salıp jatır, – dedi Mäjilis Törağası Nwrlan Nığmatulin.

Öz kezeginde tömengi palatanıñ Törağası deputattardıñ ne istep, ne qoyıp jatqanın Facebook jeke paraqşasıdağı jazbalarınan baqılauğa bolatının ayttı. Sonımen qatar ol deputattardıñ türli qayırımdılıq şaralarına belsene qatısıp jatqanın da alğa tarttı.

– Qazir äleumettik jelide «deputattar şetelde demalıp jatır» degen qaueset äñgime qızu talqılanıp jatqanın kördim. Tipti, keybireuler bwl üşin çarterlik reys wyımdastırıldı degen jalğan aqparat taratuda. Osı rette bwl aqparattardıñ şındıqqa mülde janaspaytının aytqım keledi. Mwnday qaueset äñgimelerge senbeñizder!

Barlıq deputattar elde, osınday qiın kezeñde el azamattarımen birge indetpen küresude. Tipi, keybir deputtardıñ özi virus jwqtırıp, auırıp qaldı. Endi biri eñ jaqın adamdarın ayırılıp, qiındıqpen betpe bet keldi. Biraq äriptesterimiz osınday qiındıqqa qaramastan aymaqtardağı jwmıstarın jalğastıruda, – dedi Nwrlan Nığmatulin äleumettik jelide taralğan äñgimelerdi joqqa şığardı.

Derekköz: dalanews.kz

Abai.kz

2 pikir