Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
Koronavirus 780 3 pikir 14 Şilde, 2020 sağat 10:57

Karantin 2 tamızğa deyin wzartıldı

Qazaqstandağı karantin rejimi 2 tamızğa deyin wzartıladı. Bwl turalı prem'er-ministr Asqar Mamin mälimdedi.

«Karantindik qatañ şekteu şaralarınıñ ekinşi aptası ötip jatır. Auru ösui twraqtaluda. Densaulıq saqtau ministrliginiñ wsınısı boyınşa epidemiologiyalıq jağdaydı odan äri twraqtandıru üşin respublika boyınşa şekteu şaraların 20 şildeden 2 tamızğa deyin tağı eki aptağa wzartu turalı şeşim qabıldaymız», - dedi Mamin.

Sonımen qatar, ol karantinniñ wzartıluına baylanıstı tağayındalğan 42 500 teñge kölemindegi kömekti naqtı kimder alatının ayttı.

«Tölem karantin şaralarınıñ küşeytiluine baylanıstı jwmısı şektelgen jwmıs beruşilerdiñ, jeke käsipkerlerdiñ jäne özin-özi jwmıspen qamtığandar ötinimi negizinde jürgiziledi», - dedi ol.

Asqar Wzaqbaywlı Densaulıq saqtau ministrligi men äkimdikterge, memlekettik organdarğa karantin şaralarınıñ odan äri saqtaluın qamtamasız etudi tapsırdı.

«Densaulıq saqtau ministrligi, äkimdikter men müddeli memlekettik organdar karantindi odan äri saqtaudıñ barlıq şarasın iske asırsın. Därilik preparattardıñ qajetti qorı bar jäne ünemi tolıqtırılıp otıradı. Olardı därihana jelileri men stacionarlar boyınşa naqtı bölu boyınşa barlıq şaranı qamtamasız etu qajet»,-dep tapsırdı prem'er-ministr.

Ayta keteyik, keşe Memleket basşısı Q.Toqaev karantindi tağı eki aptağa sozılatının aytqan bolatın.

Büginde Qazaqstanda koronavirus jwqtırğandar sanı 61 755 adamğa jetti.

Abai.kz

3 pikir