Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
1271 10 pikir 10 Şilde, 2020 sağat 14:51

«Barlıq jauapkerşilikti Prezidentke tañıp qoysaq - is nasırğa şabadı»

Bügin ötken Ükimettiñ keñeytilgen otırısında Prezident Qasım-Jomart Toqaevtıñ mälimdemelerine qatıstı sayasattanuşı Rasul Jwmalı pikir bildirdi.

«Bügin Ükimettiñ keñeytilgen otırısında mañızdı şeşimder jariyalandı. Äsirese, jauapkerşilik, densaulıq saqtauğa qatıstı, öz jwmısın dwrıs atqarmağan qwzırlı mekemelerdiñ jwmısın toqtatu turalı aytıldı. Endi osınıñ bäri qalay iske asatını mañızdı. Prezident osıdan 2-3 kün bwrın da tikeley efirde ündeu jariyalağan bolatın. Bwl, qajetti närse. Sebebi koronavirusqa qatıstı jağday öte auır, eldiñ jağdayı müşkil. Kün sayın qayğılı jağdaylardı estip jatırmız», - deydi Rasul Jwmalı.

Sayasattanuşınıñ aytuınşa, osınday jağdaydıñ sebebi köp, biraq birden-bir sebep - aqparattıñ jetispeui.

«Halıq koronaviruspen betpe-bet jalğız qaldı. Däl osınday qiın sätte memleket qayda qaldı, onıñ qamqorlığı qayda qaldı? Osınday kezeñde öte qajetti aqparat aytıldı. Endi osı aytılğan dwrıs oy, negizdi pikirler iske assa jaqsı. Ökinişke qaray, auzımız talay küydi. Mälimdeme jasalıp, orta jolda qalmasa eken. Osınday qauipti jağdayda is nasırğa şappas üşin Prezident sözin qoldap, onıñ qaramağındağı barlıq memlekettik qızmetker osı aytılğan dünielerdi iske asıruı kerek. Olar jañaşa jwmıs isteuge qanşalıqtı dayın? Bwl - ülken mäsele. Prezident Qasım-Jomart Toqaev qanşa ret tikeley efirge şığıp, orın alğan jağdaydı öz deñgeyinde qarap, baqılap otır. Biraq ministr, ükimet, äkimderdiñ deñgeyine qaraytın bolsaq - sol bayağı eski sarın. Olar tikeley efirge şıqpay, halıq tarapınan sın bolğannan keyin ğana Almatı, elorda äkimi mälimdeme jasadı. Barlıq jauapkerşilikti Prezidentke tañıp qoyıp, basqa memlekettik organdar ündemey otıratın bolsa - is nasırğa şabadı. Sondıqtan aytılğan mälimdemelerdiñ jüzege asuına qatıstı talap qoyu kerek», - deydi ol.

Abai.kz

10 pikir