جەكسەنبى, 9 تامىز 2020
COVID-19 قازاقستاندا. جۇقتىرعاندار — 98701. جازىلعاندار — 72273. قايتىس بولعاندار — 1058
1254 10 پىكىر 10 شىلدە, 2020 ساعات 14:51

«بارلىق جاۋاپكەرشىلىكتى پرەزيدەنتكە تاڭىپ قويساق - ءىس ناسىرعا شابادى»

بۇگىن وتكەن ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆتىڭ مالىمدەمەلەرىنە قاتىستى ساياساتتانۋشى راسۋل جۇمالى پىكىر ءبىلدىردى.

«بۇگىن ۇكىمەتتىڭ كەڭەيتىلگەن وتىرىسىندا ماڭىزدى شەشىمدەر جاريالاندى. اسىرەسە، جاۋاپكەرشىلىك، دەنساۋلىق ساقتاۋعا قاتىستى، ءوز جۇمىسىن دۇرىس اتقارماعان قۇزىرلى مەكەمەلەردىڭ جۇمىسىن توقتاتۋ تۋرالى ايتىلدى. ەندى وسىنىڭ ءبارى قالاي ىسكە اساتىنى ماڭىزدى. پرەزيدەنت وسىدان 2-3 كۇن بۇرىن دا تىكەلەي ەفيردە ۇندەۋ جاريالاعان بولاتىن. بۇل، قاجەتتى نارسە. سەبەبى كوروناۆيرۋسقا قاتىستى جاعداي وتە اۋىر، ەلدىڭ جاعدايى مۇشكىل. كۇن سايىن قايعىلى جاعدايلاردى ەستىپ جاتىرمىز»، - دەيدى راسۋل جۇمالى.

ساياساتتانۋشىنىڭ ايتۋىنشا، وسىنداي جاعدايدىڭ سەبەبى كوپ، بىراق بىردەن-ءبىر سەبەپ - اقپاراتتىڭ جەتىسپەۋى.

«حالىق كوروناۆيرۋسپەن بەتپە-بەت جالعىز قالدى. ءدال وسىنداي قيىن ساتتە مەملەكەت قايدا قالدى، ونىڭ قامقورلىعى قايدا قالدى؟ وسىنداي كەزەڭدە وتە قاجەتتى اقپارات ايتىلدى. ەندى وسى ايتىلعان دۇرىس وي، نەگىزدى پىكىرلەر ىسكە اسسا جاقسى. وكىنىشكە قاراي، اۋزىمىز تالاي كۇيدى. مالىمدەمە جاسالىپ، ورتا جولدا قالماسا ەكەن. وسىنداي قاۋىپتى جاعدايدا ءىس ناسىرعا شاپپاس ءۇشىن پرەزيدەنت ءسوزىن قولداپ، ونىڭ قاراماعىنداعى بارلىق مەملەكەتتىك قىزمەتكەر وسى ايتىلعان دۇنيەلەردى ىسكە اسىرۋى كەرەك. ولار جاڭاشا جۇمىس ىستەۋگە قانشالىقتى دايىن؟ بۇل - ۇلكەن ماسەلە. پرەزيدەنت قاسىم-جومارت توقاەۆ قانشا رەت تىكەلەي ەفيرگە شىعىپ، ورىن العان جاعدايدى ءوز دەڭگەيىندە قاراپ، باقىلاپ وتىر. بىراق مينيستر، ۇكىمەت، اكىمدەردىڭ دەڭگەيىنە قارايتىن بولساق - سول باياعى ەسكى سارىن. ولار تىكەلەي ەفيرگە شىقپاي، حالىق تاراپىنان سىن بولعاننان كەيىن عانا الماتى، ەلوردا اكىمى مالىمدەمە جاسادى. بارلىق جاۋاپكەرشىلىكتى پرەزيدەنتكە تاڭىپ قويىپ، باسقا مەملەكەتتىك ورگاندار ۇندەمەي وتىراتىن بولسا - ءىس ناسىرعا شابادى. سوندىقتان ايتىلعان مالىمدەمەلەردىڭ جۇزەگە اسۋىنا قاتىستى تالاپ قويۋ كەرەك»، - دەيدى ول.

Abai.kz

10 پىكىر