Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
Pikir 1363 37 pikir 9 Şilde, 2020 sağat 12:23

Däl qazir üreyge berilmeu kerek!

Naurız ayında jariyalanğan tötenşe jağday men alğaşqı karantin indetke qarsı şaralardı şwğıl qolğa alıp, şet eldik täjiribelerdi eskerip, közge körinbes jaudı jaudı saqaday say otırıp qarsı aluğa kerekti altın uaqıt edi. Ökinişke qaray, bügingi jağday otandıq densaulıq saqtau jüyesi berilgen uaqıttı tiimdi paydalana almağanın körsetip otır. Prezident indettiñ alğaşqı küninen bastap eñ auır scenariyge dayın otıruımız kerek demedi me?!

YAğni, birinşi karantinnen keyin halıq qauiptiñ seyilmegenin eskermeytini, auruhanadağı orındardıñ jetispeui, alıp-satarlardıñ köbeyui, halıqtıñ psihologiyalıq auır jağdayğa tüsui, däri-därmektiñ jetpey qaluı, jaña virustıñ emdeu hattaması resmi türde özgerip twrğanı emdik şaralardıñ birizdilikke tüspeui, halıq özdiginen em izdey bastauı densaulıq jüyesindegi üylestiru jwmısınıñ mamandarınıñ aldın-ala zertteletin jwmıstarı edi ğoy! Josparlau, wyımdastıru, baqılau men ıntalandıru-menedjerdiñ mızğımaytın tört qağidatı. Osınıñ barlığına Prezident tiisti bağasın berip, bwl jağdaydan sabaq alamız, dedi.

Qaharına mingen indetpen küreste däl qazir keregi - üreyge berilmeu! Küresti toqtatpau! Şildeniñ basında sanı 400 ğana bolğan ämbebap mobil'di toptardıñ sanı ay soñında 3,5 mıñğa deyin jetkiziledi. PTR test tapsıru ortalıqtarı täuligine 40 mıñğa deyin saraptama jasaytın boladı. Därihanalarğa paracetamol, antibiotikter sındı qajetti medikamentter jetkiziledi. Därigerler aqparattıq jwmıstı küşeytetin boladı. İndetpen küreske bölinip jatqan qarajat üzdiksiz, jiti baqılauğa alınadı. Halıq qinalıp jatqanda esebin tügendep jantalasqan arsızdardıñ jolı kesiledi!

Qasım-Jomart Kemelwlı Sabır Adaydıñ «Är qazaq meniñ jalğızım» degen bir auız sözimen bwginde qara jamılğan är qazaqtıñ şañırağına köñil ayttı. 13 şildeni AZA TWTU küni dep jariyaladı.

İndetpen küresip jatqan ärbir janğa küş-quat bergey, Jaratqan! Qara jamılğan jwrtqa qayğırıp köñil aytamın! Bekem bolıñızdar! Barlıq saqtıq şaraların orındap, abay bolayıq!

Dana Nwrjigit,

Senat deputatı.

Abai.kz

37 pikir