Aleksey Vladimirovich Soy. Qazaqstannyng Densaulyq saqtau ministri. Býgin taghayyndady.

Áueli onyng kandidaturasyn Mәjilis, Mәjilisting Áleumettik-mәdeny damu komiyteti maqúldady.

«Mәjilisting Áleumettik-mәdeny damu komiytetinde Aleksey Soydyng QR Densaulyq saqtau ministri qyzmetine úsynylghan kandidaturasy kelisildi. Atalghan mәsele «QR Parlamenti jәne onyng deputattarynyng statusy turaly» Konstitusiyalyq zanynyng 22-1 babyna sәikes qaraldy», - delingen Mәjilis habarlamasynda.

Keyin Soydyng ministr qyzmetine taghayyndalghany turaly aqparatty Aqorda jariyalady.

«Aleksey Vladimirovich Soy Qazaqstan Respublikasynyng Densaulyq saqtau ministri bolyp taghayyndalsyn», - dep jazylypty Preziydent Jarlyghynda.

22 mausymda dәl osy Aleksey Soy QR Densaulyq saqtau ministrining birinshi orynbasary bolyp taghayyndalghan.

Premier-ministr Asqar Mamin DSM újymyna Soydy tanystyryp, indet júqtyryp, oqshaulanyp jatqan ministr Birtanovtyng mindetin uaqytsha atqarady dep ketken.

Soydyng sәlem haty

Bas-ayaghy ýsh kýnde ministr mindetin atqaushy Soydyng ózi  ministr bolyp taghayyndaldy. Soy jana qyzmetke kiriser-kirispesten búrynghy ministr Birtanovqa arnap jazba jariyalapty jelide.

«Qúrmetti Eljan Amantayúly! El ýshin eng qiyn osy sәtte Siz koronaviruspen kýresting aldynghy shebinde túrdynyz. Sizding ónirlerdegi, indet oshaqtaryndaghy el-júrtpen jәne mamandarmen jýrgizgen júmysynyz Densaulyq saqtau jýiesin aitarlyqtay ilgeriletti. Ókinishke oray, indet eshkimdi ayamaydy. Sizge shyn kónilmen tezirek sauyghyp, qatarymyzgha qosyluynyzdy tileymin», - dep jazdy Ol.

Soydyng enbek joly men bilimi turaly

Aleksey Soy 1977 jyly búrynghy Ontýstik Qazaqstan oblysynda tughan eken. Londonda bilim alghan (Sells College). Memlekettik medisinalyq akademiyada, OQO Memelekettik medisinalyq akademiyasynda, «Dәneker» Halyqaralyq qúqyq jәne biznes institutynda, RF Preziydenti janyndaghy Resey halyq sharuashylyghy jәne memlekettik qyzmet akademiyasynda, bilim alghan.

AQSh-ta, Sinapurda, Mәskeude, Germaniyada, Úlybritaniyada tәjirbiyeden ótken. Iskerlik әkimshilik doktory, medisina ghylymynyng kandidaty.

Hirurg-endoskopist. Qalpyna keltiru hirurgiyasy jәne transplantologiya ortalyghynyng agha ghylymy qyzmetkeri, Últtyq ghylymy medisina ortalyghynyng ishki medisina ortalyghynyng jetekshi ghylymy qyzmetkeri, «Euroaziattyq respiratorlyq qogham» qoghamdyq birlestigining bas hatshysy, QR Preziydenti Is basqarmasynyng Zamanauy medisinalyq tehnologiyalardy engizu ortalyghynyng diyrektory, QR Preziydenti Is basqarmasynyng Medisinalyq ortalyghynyng basshysy, Astana qalasynyng №1 qalalyq auruhanasynyng bas dәrigeri, QR densaulyq saqtau jәne әleumettik damu viyse-ministri, QR densaulyq saqtau viyse-ministri qyzmetterin atqarghan.

2019 jylghy aqpannan bastap 2020 jyldyng 22 mausymyna deyin QR Preziydenti Is basqarmasynyng Medisinalyq ortalyghyn basqarghan.

Ýsh kýn búryn birinshi viyse-ministr, býgin ministr boldy.

Aytpaqshy, óz otstavkasy turaly Eljan Birtanov ta jazba jariyalaghan. Onda qyzmetinen óz erkimen ketkenin, indetinen tolyq aiyqpaghanyn, qosymsha em qabyldaytynyn aitqan.

«Qúrmetti әriptester, dostar! Býgin men óz erkimmen qyzmetimnen ketu turaly Memleket basshysyna ótinish jazdym. Ókinishke oray, men koronaviruspen auyryp qalghandyqtan jәne pnevmoniyanyng asqynuyna baylanysty qosymsha em qabyldauym kerek.

Elde epiydemiologiyalyq jaghday asqynyp túrghan qazirgidey kezde, búl salagha ministrlik dengeyinde de, ónirlik densaulyq saqtau basqarmalary dengeyinde de tolyq kýshpen júmys isteytin basshy kerek dep esepteymin.

Bizding densaulyq saqtau jýiesi búl tyghyryqtan shyghady dep senemin. Árqaysymyzdyng uaqytymyz ben qajyr-qayratymyz kerek. Barlyq әriptesterime myqty densaulyq pen sabyr tileymin. Qazaqstannyng Densaulyq saqtau salasyn damytu isine az da bolsa ýlesimdi qosugha mýmkindik bergen Memleket basshysyna alghys aitamyn», - dep jazdy Birtanov.

Esterinizge sala keteyik, 14 mausym kýni Eljan Birtanov ózining koronavirus júqtyrghanyn habarlaghan.

Abai.kz