Dýisenbi, 26 Qazan 2020
COVID-19 QAZAQSTANDA. Júqtyrghandar — 110402. Jazylghandar — 105618. Qaytys bolghandar — 1796
Sanlaq 3029 3 pikir 10 Mausym, 2020 saghat 15:47

Qazaqstandyq sportshylar qara basynyng ghana qamyn oilay ma?

Halyqtyng qaltasynan shyqqan qarjynyng kýshimen ghana qalt-qúlt etip kýn kóretin Qazaqstan sportynda taghy bir janjal oryn aldy. Búl jolghy qarjylyq dau-damaydy auyr atletter bastap otyr. Birneshe ziltemirshi alty ay boyy aqsha almadyq dep viydeoýndeu jasady. Olardyng arasynda Olimpiada chempiony Nijat Rahimov ta bar.

Viydeoýndeu jariyalap, el nazaryn audarghan sporshylar qatarynda Rahimovtan bólek, Karina Goricheva, Denis Ulanov , Rustem Sybay, Aybar Kazov, Ibragim Bersanov jәne Igori Son bar.

Olardyng aituynsha, auyr atletika federasiyasy ay sayyn tóleytin jalaqyny jyl basynan beri bermegen. Biraq Últtyq Olimpiada komiytetinen alatyn jalaqylaryn tolyq alghan.

Ziltemirshilerding enbekaqylaryn tóley almay otyrghandaryn auyr atletika federasiyasy da rastaydy. Biraq búghan elde jәne әlemde bolyp jatqan qarjylyq qiyndyqtar sebep bolghan.

- «Sporttyq jekpe-jek jәne kýsh qoldanylatyn sport týrleri konfederasiyasy» demeushilik kórsetetin «Auyr atletika federasiyasy» QB tarapynan jalaqy alatyn últtyq qúrama sportshylary ekonomikalyq jaghdaydyng nasharlauy, budjettegi tolyqtyrular men úiym shyghyndaryn ontaylandyru saldarynan osynday jaghday tuyndady. Osyghan baylanysty әkimshilik-basqarushylyq topty qarjylandyru toqtatylghan. 

Sportshylardy osy jәne әlemde bolyp jatqan daghdarysqa týsinistikpen qaraularyn súraymyz. Auyr atletika federasiyasy qosymsha tólemderdi qarjylandyrugha arnalghan budjet mәselesi sheshilgennen keyin últtyq qúrama mýshelerimen tiyisti kelisim-sharttar jasalyp, olardy tóleu jalghasady, - delingen resmy habarlamada.

Biraq últtyq qúrama mýshelerining Últtyq Olimpiadalyq komiyteti tarapynan tiyisti jalaqylaryn der kezinde jәne eshqanday kedergisiz alyp otyrghanyn «Auyr atletika federasiyasy» da, ÚOK da mәlimdedi.

- Qazaqstan ÚOK óz tarapynan býginde barlyq últtyq qúrama mýshelerine, sonyng ishinde, auyr atletshilerge de enbekaqylaryn tolyq jәne uaqytyly tólep otyr. Sportshylar ýshin ÚOK enbekaqysy birden bir tabys kózi bolyp sanalady.

Basqa qarjylandyru kózderi pandemiyagha baylanysty ózderining budjetterin qysqartty. Atap aitqanda, demeushiler tarapynan enbekaqy alatyn últtyq qúramanyng keybir mýshelerine tólenbeu turaly mәsele bar.

Búl is jýzinde bәrimizge ortaq mәsele. Býgingi tanda barlyq mýddeli taraptar jaghdaydy sheshu ýshin júmys isteude, - deydi Qazaqstan ÚOK bas hatshysy Andrey Krukov.

Ýsh taraptyng taratqan resmy aqparatynan úqqanymyz, auyr atletika qúramasynyng sportshylary ÚOK-nen jalaqylaryn uaqytynda alghan, biraq federasiyadan enbekaqylaryn ala almay otyr. Soghan oray qúramanyng 7 mýshesi viydeoýndeu jasaghan.

Keybir aqparattargha sýiensek, ziltemirshiler negizgi jalaqysyn ÚOK-den alady. Ýndeu jasaghan Olimpiada chempiony Nijat Rahimov Últtyq olimpiada komiytetinen 850 myng tenge, al auyr atletika federasiyasynan ay sayyn 240 myng tenge alady eken. Sportshy múnyng aldynghysyn tolyghymen alghan. Tek songhy az bóligin ala almay jýr.

Auyr atletika federasiyasy múnyng sebebin eldegi qarjylyq qiyndyqtargha baylanysty demeushilerding qarjynyng toqtaghanymen týsindiredi. Ári jaghday onalghan song sportshylarmen kelisimshart jasap, tólem jasaytyndaryn mәlimdedi.

Biraq Nijat Rahimov búghan da razy bolmaytyn sekildi. Ázirbayjanda tughan qazaqstandyq sportshy instagram jelisindegi jeke paraqshasynda «demeushi joq bolsa - aqsha da joq» dep jazdy.

- Auyr atletika federasiyasy bizge demeushi joq deydi. Biz taban et, manday terimizben medali jenip alghanda, eng aldymen elimizdi oilaymyz. Jenisti sәtterde Qazaqstan Respublikasynyng tuyn maqtanyshpen ústap túramyz. Sportta qanday fizikalyq jәne moralidyq qiyndyq kóretinimizdi eshkim bilmeydi. Biz medali ýshin densaulyghymyzdy berip jýrmiz. Bizding sporttaghy jolymyz qysqa, erte me, kesh pe sporttan ketemiz. Erteng olar biz turaly úmytyp, tizimnen shygharady. Biz bireudikin emes, ózimizge tiyistini súrap otyrmyz. Qúrmetti auyr atletika federasiyasy, biz sizder jýktelgen barlyq tapsyrmalardy oryndaymyz. Sizden de sony súraymyz, - dep jazdy Rahimov.

Bir qaraghan adam sportshy ózine tәn enbekaqysyn súrap otyr deui mýmkin. Biraq qazirgi jaghday bәrimizge belgili. Koronavirustyng kesirinen býkil әlemde sporttyq sharalar tolyq toqtatylghan. Jarystar ótip jatqan joq, sportshylar jattyghumen jekeley ainalysuda. Júmysyn toqtatqan barlyq jerde jalaqy qysqardy. Jarys ótpegendikten, sportshylardyng tabysy da kemidi. Onyng ýstine Rahimov bastaghan ziltemirshiler ÚOK-dan jalaqysyn tolyq alghan. Sonday-aq Rahimov Atyrau oblysy atynan shyghatyndyqtan osy ónirden taghy da enbekaqy alady. Demek, eki memlekettik organnan jalaqy alyp otyr. Mólsherin jogharyda jazdyq, az emes. Sóite túra federasiya enbekaqymdy uaqytynda bermedi dep shu shygharuy qanshalyq oryndy?!

Nijat Rahimov (Nidjat Ragimov) - Ázirbayjanda tuyp, Ázirbayjanda ósken azamat. Óz elinde jýrip sportta jetistikke jetken. Jasóspirimder arasynda Olimpiada chempiony, Europa chempiony atandy. 2013 jyldyng jazynda doping dauyna baylanysty 18 ziltemirshi Ázirbayjan qúramasynan shettetildi. Olardyng arasynda biz aityp otyrghan Ragimov ta bar edi. Osydan keyin әkesi Aly Ragimov oghan jana qúrama izdey bastady. Gruziyagha qúramasyn da bayqap kórdi. Aqyry 2014 jyly Nijat Rahimov degen atpen Qazaqstan azamattyghyn alyp, bizding elding qúramasynda óner kórsete bastady. 2016 jyly Olimpiada oiyndarynda altyn medali aldy.

Kornavirusqa baylanysty sporttyq jarystar toqtatylghandyqtan, kóptegen elde sportshylar jalaqylaryn qysqartty nemese bas tartty. Tipti әlemdik dengeydegi sportshylar koronaviruspen kýreske milliondap qarjy da bóldi. Múnday mysaldar aqparat qúraldarynda kýn sayyn jariyalanyp jatyr.

Tek Qazaqstanda ghana bәri basqasha. Ádette sheteldik tәjiriybege jýgingish qazaq shendileri býgingidey qiyn sәtte «shetelshe» әreket ete almady. Memleket budjetinen mol qarjy bólinetin kәsipqoy sport klubtary oiynshylarynyng jalaqysyn qysqarta almady. Tipti bizding elde jýrgen sheteldik sportshylar «Matchtar ótu-ótpeuine qaramastan, Qazaqstanda jýrgen әrbir kýnimizge jalaqy tóleuge mindettisinder» dep kýsheydi.

Elde tótenshe jaghday bolsa da bas auyrtpaytyn sportshylardyng qataryna endi ziltemirshiler qosylyp otyr. Karantin kezinde elde 4.2 millionnan astam adam júmysynan uaqytsha aiyrylyp, 42 500 tengege qarap qaldy. Tabysynan qaghylsa da, osy bir mardymsyz somany ala almay jýrgender qansha ma? Endeshe osynday kezde memleketting budjetimen kýn kórip otyrghan sportshylar «jau jaghadan alghanda, etekten tartar bóri» bolmay qoya túrsa bolmas pa edi?!

Qazaqstan auyr atletikasy jayly aitqanda, eske eng aldymen doping dauy men shetelden shaqyrylghan sheberler týsedi. Dopingpen ústalghan ziltemirshilerding kóbi - «sheteldikter». 2016 jyly Halyqaralyq Olimpiada komiytetining Tәrtiptik komissiyasy (HOK) men Sporttyq arbitrajdy sot (CAS) qazaqstandyq 7 auyr atletting dopingke qarsy erejeni búzghanyn anyqtap, Olimpiada oiyndarynda jenip alghan medalidaryn tartyp aldy. Osy jeti ziltemirshining beseui Qazaqstan azamattyghyn alghan sheteldikter bolatyn.

Qazaqstan azamattyghyn alghan auyr atletter Olimpiadada jýlde aldy dep maqtanamyz. Memleket olardyng barlyq jaghdayyn jasaydy. Ózgesin aitpaghanda, býgin dau shygharyp otyrghan Nijat Rahimov Rio tórinde altyn medali alghanda, oghan 250 myng dollar syiaqy jәne elordadan ýsh bólmeli pәter berilgen. Olimpiada jýldegerlerine syiaqy tóleuden Qazaqstan әlem boyynsha aldynghy qatarda túr. Sóite túra, bizding sportshylar memleketke kónili tolmaydy. Osydan keyin shetelden sportshy shaqyrugha qúmar qazaq shendileri «ózinnen tumay úl bolmas» degendi týsinse deymiz...

Quanysh Qappas

Abai.kz

3 pikir