Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
46 - söz 3089 8 pikir 29 Mamır, 2020 sağat 13:55

Biz osı qanday memlekette twrıp jatırmız, Batalov mırza?!

"Mälim" saytınan bir maqala oqıp, jağamdı wstadım. Bir ğana otbasınıñ basındağı birneşe problema bar. Äleumettik, zañdıq, psihologiyalıq twrğıda jäne densaulığı da kömekke zäru büldirşinderdiñ jağdayın jılamay oqu mümkin emes. Bwl mäselege Almatı oblısınıñ äkimi Amandıq Batalov bey-jay qaramas dep oylaymın! Galymurat Zhukel bauırım, mınanı Amandıq Ğabbaswlına jetkizgeysiz! Mınaday soraqılıqtıñ aldın aldın alu kerek. Osını oqığan adamdar bölise otırğaysızdar! Maqalanıñ siltemesi pikirler arasında.

– Iä. Meniñ eki balamdı birdey qağıp ketti. Qwday qaqqanda köp qan joğaltpay, aman alıp qaldı. Biraq, äli künge auıradı, jii qaralıp, emdelip twramız.

– Qaşan? Osı auıldıñ işinde qaqtı ma?

– Iä, mektepten kele jatqanda, joldıñ şetinde ketip bara jatqan jerinen qaqqan ğoy. 2016 jılı 7 qazan küni. Joldan ötip bara jatqan emes, şetinde kele jatqan balanı eki maşina jarısıp kele jatıp, ie bola almay qalğan ğoy rölge. Ekeuin de qağıp ketken. Sol jerde tas-qwm tasitın kölikter twratın edi, solar körgen; «vulkanizaciya» bar edi, sol jerdegi jigitter körgen. Qan ketip jatqannan keyin, özderi kölikterine salıp ap, auruhanağa aparğan. Sonıñ arqasında aman qaldı.

– Qanday jaraqat aldı?

– Tisteri tüsti, jağı sındı, mañdayı jarıldı. Basınan soqqı alğan. Arada biraz uaqıt ötti ğoy, äli künge kün suıtsa bastarı auıradı. MRT-ğa tüsirip twratınbız. Jaqında qarasam qızımnıñ tösinde isik payda bolıptı. Barıp teksertsek, kezinde alğan soqqıdan qalğan, besinşi qabırğa men törtinşi qabırğanıñ arası aşılıp ketipti. Jauırını sınıp, bitip ketken. Dwrıs emdemegen soñ, qisıq bitip ketipti. Basında Berikbol Säbitwlı degen däriger eki balanıñ jağdayı da auır, aman qalğan jağdayda da eske saqtau qabiletin joğaltadı, kişkentay bala siyaqtı bolıp qaladı dedi. Ekeuine de 3-4 sağattan ota jasadı, üş kün jansaqtau böliminde jattı. Bwdan keyin älig Berikbol Säbitwlı degen därigerimiz 4-5 ayğa deyin joğalıp ketti. Aqırı, eşteñe tüsindirmesten, balalarımnıñ jağdayın jeñil jaraqat dep şığarıp berdi ğoy.

– Qay auruhanada jattı?

– İle audanındağı auruhanada, balalar böliminde. Mwnday jaraqatpen eşkimge barıp, eşteñe däleldey almaysıñdar dedi advokattar. Bükil auruın jasırıp tastadı ğoy bılayşa aytqanda.

– Qazir qalay balalar?

– Balalarım auruhanadan şıqqan soñ bir jarım jılday üyden oqıdı. Üyde sonşa uaqıt jatqan soñ, eşkimge qosılğısı kelmeydi. Injıq bolıp bara jatır. Qızım qolın auzına salıp, betin tırjitıp, bir türli qılıqtar istey bastağan soñ, mektep direktorına aytıp, qaytadan mektepke berdik. Balalarmen aralassın, aşılsın dep. Qazir aytqanıñdı qazir wmıtıp qaladı, közin jıpılıqtata beredi.

Jılına eki ret nevrologiyağa qaralıp, auruhanağa jatu kerek bolatın. Qazir mına jağdaydan onı da istey almay otırmız. Özimizdiñ de jağday mäz emes, joldasım osı balalardı emdetemiz dep köligin sattı. Bwl ekeuinen keyin tağı üş balamız bar. Men jwmıssızbın, joldasım Azat küzetşi bolıp jwmıs isteydi. «Vremyankada» twratınbız, sıymay kettik şını kerek, sosın, joldasımnıñ atınan nesie alıp, ülkenirek üy bastağanbız. Ol da bitpey twr.

Sosın, sol maşina qaqqan kezde men 200 mıñ teñgege advokat jaldadım. Dauılbay SÜLEEV Qarabaywlı degen advokat, ülken kisi. Ol da satılıp ketti.

– Satılıp ketkeni qalay?

– Bizge aytpay, jasırın sot bolıp ketken ğoy. Üş aydan keyin bolıptı. Men bir sotına da qatısqan joqpın. Talğardağı audandıq sotta bolğan. Advokatıma habarlassam, ılği «özim retteymin, özim şeşip jatırmın» dep, eki jılğa deyin solay sozıp jürdi ğoy. Eki jılğa deyin ne degen bitpeytin sot desem, meni aldap jüripti. Men balalarımdı qağıp ketken kezde jaña bosanğam, arı-beri jügiruge şamam da bolğan joq, onıñ üstine, şını kerek qoy, zañdı bilmeymiz.

– Sizge kinäli taraptan eşqanday ötemaqı tölengen joq pa? Sotta qanday jaza tağayındalğanın bilesiz be?

– Eşqanday ötemaqı tölengen joq. Jetigende twratın orıs kisi, qazir tük bolmağanday jwmısın istep jür. Men advokatıma ayttım, eñ bolmasa jaqsı därigerler tauıp bersinşi, balalarımdı qaratatın dep. Mülde elegen de joq. Men jurnalisterden kömek bola ma dep, «Dau-damaysız», «Qareket» bağdarlamalarına, Dina TÖLEPBERGENGE, bärine jazdım. Habarlasqan joq. Eñ bolmasa, balalarımdı emdeuge kömektesse dedim. Wlım Altınbek qazir 6-dan 7 sınıpqa köşti, qızım Ayana 5 sınıpqa köşti. Kölik qaqqanğa deyin sabaq ülgerimderi jaqsı edi, qazir tömendep ketti. Balamnıñ barlıq sabağı «5» bolatın, qızım erkeleu boldı, biraq, ol da qazirgiden jaqsı oqitın. Balam tüsiniksiz söylep jiberedi, keybir sözderin mülde wqpay qalasıñ. Eske saqtau qabiletteri mülde tömendep ketti.

– İsti qayta qarau turalı eşqanday jerge arız jazğan joqsız ba?

– Bardım ğoy. Audan äkimine bardım, prokuraturağa bardım. Taldıqorğanğa bireulerdiñ kömegimen internet arqılı arız jazdım. Biraq, sauatım bolmağan soñ da şığar, eşqaysısınan jauap ta bolmadı, eşteñe şıqpadı. Advokat jaldauğa aqşa ketedi, jaldağan advokatımızdıñ istegeni anau boldı… Ana qaqqan adam «Tau-Terminal» degen firma bar Ötegen batırda, sonda isteydi eken. Sonıñ adamdarı aralasqan da, isti jauıp tastağan ğoy.

– Bes balañızğa memleketten äleumettik kömek, järdemaqı alasızdar ma? 42 500 teñgege ilindiñizder me?

– Joq, ilingen joqpız. Ötiniş jazıp edik, ekeumizge de «otkaz» keldi. Karantin bastalğan soñ okrug äkimine kirdim. Barıp em, ol siz järdemaqı alasız dedi. Qazir 5 balama tüsip twrğan (är balağa 10 500 teñge) 53 mıñ teñge aqşa bar, sosın AÄK dep beretin 7 mıñ teñge.

– Sonda 7 mıñ teñge barlığıñızğa ma?

– Iä, 7 adamğa 7 mıñ teñge. Negizi 21 mıñ teñge beru kerek qoy är adamğa, keyin, tabısıñdı esepteydi de, sonıñ jetpey twrğan somasın beretin bolıptı ğoy qazir. Bizge tüsip twrğan arnayı äleumettik kömegi sol. Nesie töleymiz,ayına 58 mıñ teñgeden. Sonıñ bärin aytıp em, äkim «Nwr Otannıñ» 50 mıñ teñgelik kömegin alasıñ degen, eki ay ötti odan beri, eşteñe alğan joqpız. Meniñ balalarım da armandaydı, ülken üyde twrsaq deydi. Qazir körşilerge, tuıstarımnıñ balalarına aytadı eken, «bizdiñ üy de bitip kele jatır, biz de jaqında ülken üyge köşemiz», dep.

– Qosımşa tabıs közi joq pa?

– Men bügin tüske deyin alqapqa şığıp, qiyar terip keldim. Jetigen jaqtağı türikterdiñ jeri ğoy, sağatına 700 teñge töleydi. Oğan jii bara almaysıñ, balalar kişkentay. Uayımdaysıñ. Ara-arasında isteytin osınday jwmıs bolmasa, basqa tabıs közi joq.

http://malim.kz/4122/?fbclid=IwAR1sVss29tT3qKppmL925ipfqIpXl_Kf4abdc6JMJh8KUKq8r9Y5VvEMpZ4

Qanat Äbilqayırdıñ jelidegi jazbası

Abai.kz

8 pikir