Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
46 - söz 783 1 pikir 5 Mamır, 2020 sağat 12:44

Ruzvel't wsınğan "Jaña bağıt" bağdarlaması

Qazir halıqtıñ jağdayı kedeylenip ketti. Krizis kezinde keminde 2-3 jılda jağday bwdan da auır bola bastaydı. Mäseleni odan ärmen qiındata bermey qarapayım twrğın üy, jwmıs ornı sındı özekti taqırıptardı şeşken dwrıs dep oylaymın.

1929-1933 jıldarı bolğan "Wlı depressiya" zamanında Ruzvel't AQŞ halqına keremet "Jaña bağıt" attı bağdarlama wsındı. Ol boyınşa:

1. Jwmıssız qalğan azamattardı jol qwrılısı, auruhana men mektep salu, kögaldandıru sındı jaña jwmıs orındarı aşılıp iske aldı. Jastar üşin jeñildikter jasaldı.

2. Auıl şaruaşılığındağı fermerlerge nesielerin töleudi keyinge qaldırıp keñ subsidiyalar berile bastadı.

3. Twrğın üy saludıñ jaña bağdarlaması qabıldanıp, halıqqa ipotekasın töley aluı üşin memleket tarapınan stimul beretin kömekter körsetildi. Nätijesinde baspanası bar azamattardıñ sanı östi.

4. Bankter reformağa tüsti. Elden altın şığaruğa şekteu qoyıldı.

5. Mädeniet üyleri salınıp, ruhani qwndılıqtardı köteretin memlekettik bağdarlamalar qolğa alındı.

6. Birja men fond salası reformağa tüsti.

7. Zeynetaqı salası tügel özgertilip qartayğan azamattardıñ jağdayına ükimet qaraylastı.

Der kezinde qabıldanğan şaralar nätijesinde AQŞ ekonomikası ayaqtan twrdı. Ruzvel'ttiñ jasap ketken keybir reformaları AQŞ-ta äli künge deyin qoldanısta.

Qazirgi tañda älemniñ ekonomikası twralağan zamanda bizge de tıñ, müldem jaña sayasat pen ekonomikalıq jüyeli reformalar qajet. Bwrınğı sürleuden ketip, jañaşıl da batıl qadamdarğa barmasaq jağday qiınday beredi. Mwnı jasay alar bilimdi jastar men kadrlar bizdiñ elde jeterlik negizi. Bwl potencialdı qoldanu qajet. Alda qiın zaman kütip twrğanı aqiqat. Wltqa qızmet etetin, u işse de elimen işip, qiındıqtan birge şığatın zaman keldi bizdiñ halıqtıñ basına.

Bauırjan Serikbaydıñ äleumettik jelidegi jazbası

Abai.kz

1 pikir