Ózbekstandaghy bógetting búzyluynan keyin, Týrkistan oblysynda birneshe eldimeken qyzylsudyng qúrsauynda qalghan edi. Býgin el Ýkimeti arnayy komissiya qúrypty. Apattyng saldaryn joyyp, zardap shekken túrghyndargha kómek úiymdastyrmaq kórinedi.

«QR Premier-ministri Asqar Maminning Ókimimen Týrkistan oblysy Maqtaaral audanyndaghy eldimekenderdi su basu saldaryn jong jónindegi Ýkimettik komissiya qúryldy»,- delingen Ýkimet saytynda.

Komissiya qúramyna ortalyq jәne jergilikti atqarushy biylik organdarynyng basshylary kirgen. Oghan premier-ministrding orynbasary Roman Sklyar tóraghalyq etedi.

Arnayy qúrylghan komissiya apattan kelgen shyghyndy eseptep baghalaumen, su basu saldaryn joimen, injenerlik, kóliktik, әleumettik infraqúrylymdy, túrghyn ýilerdi qalpyna keltirumen, sonday-aq, zardap shekken túrghyndargha әleumettik qoldau kórsetumen ainalysady.

Ayta keteyik, 1 mamyr kýni Ózbekstanda janbyr men dauyldan keyin Syrdariya oblysyndaghy Sardoba su qoymasy bógetterining biri jarylghan edi.

2 mamyr kýni saghat 04.30-da Maqtaral audanynyng shekarasynda kollektordan su ótip, Jenis jәne Jana Túrmys eldimekenderi su astynda qalghan. Sonday-aq, Myrzakent - Jenis - Jana Túrmys avtomobili joldaryn su basty. Búdan son, Týrkistan oblysy Maqtaaral audanynda tótenshe jaghday jariyalandy.

Al, 3-sәuir kýni Memleket basshysy Qasym-Jomart Toqaev Sardoba su qoymasy bógetining búzyluy saldarynan Týrkistan oblysyndaghy 10 auyldy su basqanyn mәlimdedi.

Týrkistan oblysy әkimdigining habarlauynsha, býginde Maqtaaral audanynyng su basqan eldimekenderinen 2 mamyrdan bastap 31 606 adam evakuasiyalanghan.

4 mamyr kýngi aqparat boyynsha, Jana-Túrmys (46 ýi), Jenis (130 ýi), Firdousy (250 ýi), Órgebas (194 ýi), Dostyq (11 ýi) eldimekenderinen jalpy sany 631 ýy su astynda qaldy.

Polisiya tarapynan Jana-Túrmys, Firdousi, Órgebas, Núrlyjol, IYirjar eldimekenderinde bir, T. Jaylybaev auylynda eki blok-beket qúrylghan. Qazir onyng jalpy sany 7-ge jetti.

3115 iri qara mal, 1101 úsaq mal, 585 jylqy, 34 týie Keles audany, Qyzylәsker auylyna jetkizildi. Búdan bólek, 1797 iri qara mal, 6029 úsaq mal, 689 jylqy, 381 týie, 165 shoshqa Maqtaral audanyndaghy su basu qaupi joq jerge jetkizildi.

Týrkistan oblystyq auyl sharuashylyghy basqarmasynyng basshysy Núrbek Badyraqovtyng aituynsha, qazirding ózinde 3601 gektargha juyq auyl sharuashylyghy daqyldarynyng su astynda qalyp, zardap shekkeni anyqtalghan. Aldyn ala boljam boyynsha shyghyn kólemi 404 mln. tengeni qúrap otyr.

Abai.kz