2019 jyly Saud Arabiyasy biyligi qajylyq sapar ýshin Qazaqstangha 3200 kvota bólgen eken. Al internettegi ashyq derekkózderding mәlimetine qaraghanda ótken jyly qazaqstandyqtar qajylyq sapargha 5 milliard tenge júmsaghan. 

Jalpy qazaqstandyqtardy Mekke-Mediynege jetkizumen turistik operatorlar ainalysatyny belgili. Elimizde arnayy qajylyq sapardy úiymdastyratyn 18 kompaniya resmy tirkeude kórinedi. Olardyng qyzmettik paketterine kóbine «ekonom», «standart», «komfort» jәne «luks» paketteri kiredi. Sapar shamamen 15-25 kýnge eseptelgen. Qúny 3 mynnan 6 myng dollargha deyin (1 millionnan - 2,5 milliongha deyin).

Búl somagha, yaghny turadyng baghasyna - biylet, qonaq ýide túru, tamaqtanu, qala men Ál-Haram meshitine tasymaldau, alghashqy kómek, jolserik qyzmeti jәne qajylyq jiyntyghy (qajylyq kitaby, jýk jәne qol sómkesi, ayaq kiyimge arnalghan rukzaktar, giyd, qajylyq, firmalyq kókirekshe) t.b. kiredi. Keybir kompaniyalar qosymsha foto, viydeo operatorynyng qyzmetterin úsynady eken.

2019 jyly Saud Arabiyasy biyligi qajylyq sapar ýshin Qazaqstangha barlyghy 3200 kvota bólgen eken. Eger qajylardyng әrqaysysy sapargha orta eseppen 1,5 million tenge júmsaghan bolsa, jalpy qazaqstandyqtar Mekkege shamamen 4,8 milliard tenge (nemese shamamen 12,5 million dollar) qaldyrady.

Al, Umra qajylyghynyng (kishi qajylyq) qúny arzandau. Búl sapargha qajylar shamamen 800-2000 dollar (300-800 myng tenge) júmsaydy eken. Baghdarlama 10 kýnge eseptelgen.

Turdyng baghasyna - viza alu, borttaghy tamaqpen әue saparlary, qonaqýide túru, eki mezgil tamaqtanu, meshitke tasymaldau, gid jәne qasiyetti jerlerge ekskursiya kiredi. Ýlken qajylyqtan aiyrmashylyghy - adam jyldyng kez kelgen uaqytynda bara alady.

Qajylyq – músylmannyng bes paryzynyng biri. Búl zul-hidja kýntizbesining 12-shi aiynyng basynda bolady. Qajylyqqa baratyn adamnyng aqyl-esi dúrys jәne densaulyghy men qarjylyq mýmkindigi boluy kerek. Jәne, búl sapargha júmsalatyn aqshany tolyqtay adal jolmen tabu qajettigi aitylady.

Búghan deyin qajylyqqa 100 ret barghany ýshin dýrkiretip toy jasaghan Amangeldi Erenghayypúly әleumettik jeli qoldanushylarynyng synyna qalghan edi. Ol 2002 jyldan bastap «Núr Qazaqstan» qajylyq kompaniyasyn basqaryp keledi. Ýlken qajylyqqa 22 ret, kishi qajylyqqa 78 ret barghan.

Ayta keteyik, býginde býkil әlemge taralghan indet saldarynan Saud Arabiyasy qajylyq sapardy toqtatqanyn mәlimdegen. Sonday-aq, olar koronavirustyng taraluy jaghynan qauipti elderden keletinderge turistik vizalar berudi de uaqytsha toqtatqan.

Abai.kz