Jeksenbi, 7 Mausım 2020
COVID-19 QAZAQSTANDA. Jwqtırğandar — 12511. Jazılğandar — 7135. Qaytıs bolğandar — 53
Jañalıqtar 1554 2 pikir 28 Naurız, 2020 sağat 01:41

Almatı oblısında karantindegi 4 adamnıñ saraptamaları şıqtı

Nwr-Swltandağı qauipti virustan qaytıs bolğan äyelmen jaqın qatınasta bolğan tağı 7 adam Almatı oblısında anıqtalğan.

Almatı oblısı äkimdiginiñ baspasöziniñ habarlauınşa, marqwmmen baylanısta bolğan Almatı oblısınıñ twrğındarı qazir karantinge jatqızılğan.

"Marqwmmen tikeley baylanısta bolğan 7 adamdı anıqtadıq. Olardıñ barlığı oqşaulandırılıp, arnayı saraptamalar jasaldı. 27 naurızda 4 saraptamanıñ qorıtındısı şıqtı. Tekseru nätijesinde virus belgileri anıqtalğan joq. Degenmen, olar äli baqılauda (karantinde) boladı. Qalğan 5 adamnıñ saraptamaları tekserilude. Nätijesin qosımşa habarlaymız", - delingen saraptama qorıtındısında.

Esteriñizge sala keteyik, 26 naurız küni Nwr-Swltan qalasında 64 jastağı äyel koronavirusten qaytıs bolğanı habarlanğan. Keyin anıqtalğanday, marqwm Almatığa qwdalıqqa kelip-ketken eken. Al ol qwdılaqta Almatı oblısınıñ da azamattarı bolğan.

Almatı oblısı azamattarınıñ arasında marqwmmen tikeley baylanısta bolğan jalpı 9 adam anıqtaldı. Bwl 9 adammen baylanısta bolğandar da tügel anıqtalğan. Olar qazir karantinde.

Abai.kz

2 pikir