"Masanchi, Búlar batyr, Auqatty jәne Qarasu auyldarynda jalpy sany 40 túrghyn ýi, 20 kommersiyalyq nysan, bes sharuashylyq ghimarat órtengen. Barlyq júmystar "Shivon" qayyrymdylyq qorynyng esebinen jýrgiziledi" dedi әkimdik ókilderi.

Ákimdik dereginshe, ýii órtengen 39 otbasynyng ýiin qalpyna keltiru ýshin oblystyq budjetten shamamen 20,6 mln tenge qarjy bólingen. Búghan qosa, memlekettik materialdyq qory qúrylysshylardy birqatar qúrylys materialdarmen qamtamasyz etedi.

Toghyz otbasyna asyraushysynan aiyryluyna baylanysty 8,2 mln tenge kóleminde kómek berilgen. Al kólikteri býlingen nemese órtengen adamdargha qansha ótemaqy tólenetini tergeu ayaqtalghannan keyin belgili bolmaq.

7 aqpan keshke Jambyl oblysy Qorday audanynda qazaqtar men dýngender janjaldasyp, resmy derek boyynsha, 11 adam qaza tauyp, 180-nen asa adam zardap shekken.

Qordaydaghy janjal kezinde Qyrghyzstanmen shekaragha jaqyn ornalasqan, negizinen etnikalyq dýngender túratyn Masanchi, Sortóbe, Auqatty auyldarynda, resmy mәlimet boyynsha, 20 sauda orny men 39 ýy býlinip, 47 kólik órtendi. Ýkimet qaqtyghysta qiraghan ýiler men sauda oryndaryn qalpyna keltiruge kómektesetinin mәlimdegen.

Biylik janjal qariyanyng soqqygha jyghyluymen ayaqtalghan jol ýstindegi kiykiljinnen shyqqan dep mәlimdedi. Kiykiljinnen song qazaqtar (kóbi – Qarakemer auylynyng túrghyny) jinalyp, dýngender túratyn auyldargha barghan.

Qazaqstan biyligi janjalgha baylanysty 120-dan astam qylmystyq is qozghalghanyn mәlimdedi. Nauryz aiynyng basynda bas prokuratura búzaqylyq, adamdy úryp-soghu jәne polisiyagha baghynbau isi boyynsha bes adam ústalghanyn habarlaghan.

Qordaydaghy janjaldan song Jambyl oblysynyng әkimi Asqar Myrzahmetov bastaghan birneshe sheneunik jәne polisiya departamentining basshysy qyzmetten ketti. Onyng ornyna sol kezde premier-ministrding orynbasary bolghan Berdibek Saparbaev taghayyndaldy.

Abai.kz