Býgin QR Densaulyq saqtau ministrligi Qaraghandyda eki adamnyng koronavirus júqtyrghanyn mәlimdedi. Osyghan oray oblystyq Densaulyq saqtau basqarmasy virus júqtyrghandardyng jaghdayy turaly aitty.

Koronavirus júqtyrghan eki adam Qaraghandygha 18 nauryz kýni Minsk - Núr-Súltan baghytyndaghy úshaqpen kelgen.

- Áuejaydaghy jolaushylargha barlyq qauipsizdik sharalary qabyldandy. Olardy úshaq trapynyng janynan arnayy avtobus qarsy aldy. Jolaushylar tekserilip, karantindik auruhanagha jatqyzyldy. Sonymen qatar, 1A sanatyndaghy elderden kelgen adamdar bólek bólimderge ornalastyryldy.

Býgingi kýni júqtyrghandardyng jaghdayy qanaghattanarlyq. Ázirge karantin jariyalaugha negiz joq. Sebebi eki adam da syrttan kelip otyr,- dedi oblystyq densaulyq saqtau basqarmasynyng basshysy Erjan Núrlybaev.

Úshaq bortynda 67 jolaushy bolghan. Sanitarlyq dәrigerlerding aituynsha, olardyng barlyghy tekserilip, karantindik auruhanada jatqyzylghan.

Al, tauarlar men qyzmetterding sapasy men qauipsizdigin baqylau departamentining basshysy Qanat Asqarovtyng aituynsha, Qaraghandy qalasyndaghy balabaqshalargha baru 20 payyzdy qúraydy.

- Ázirge mektepke deyingi mekemelerdi jabudyng qajeti joq. Eger karantin jariyalansa, balabaqshalar jabylady, - dedi ol.

Sonday-aq, tótenshe jaghday kezinde kәsipkerler jalgha berushilerden jaldau aqysyn almaytyny belgili boldy.

- Búl olar úiymdastyrghan arnayy qoldau sharasy. Býginnen bastap barlyq iri sauda ortalyqtary men basqa da nysandar jabyldy. Dezinfeksiyalau sharalary jýrgizilude, - dedi kәsipkerlik bólimining bastyghy Tatiyana Ablaeva.

Al, polisiya ókilderi jalghan aqparat taratqandardyng jauapkershilikke tartylatynyn mәlimdedi.

- Men azamattardy jalghan aqparattargha emes, tek memlekettik organdardyng resmy aqparattaryna senuge shaqyramyn,- dedi aimaqtyq DP nyng resmy ókili Janatay Sembekov.

Esterinizge sala keteyik, QR Densaulyq saqtau ministrligining songhy mәlimeti boyynsha, Qazaqstanda infeksiya júqtyrghandar sany 49-gha jetti. Olardyng 22-si Almatyda, 25-i Núr-Súltanda, taghy eki adam Qaraghandyda tirkelgen.

Abai.kz