- Ókinishke qaray byltyr osynday jaghdaylar boldy. Biz barlyghyn tekserdik. 75 myng otbasy tabysyn jasyrghan. Qazirgi tanda 400-500 mln tengeni budjetke qaytardyq. Qazir biz bylay aityp jatyrmyz. Eger sol otbasy óz erkimen qaytarsa, mәsele joq. Jergilikti organdar ony qaytarudyng kestesin jasaydy. Al eger olay bolmasa, onda sot arqyly óndirilip alynady, - dedi Saparbaev.

Byltyr Qazaqstan enbek jәne halyqty әleumettik qorghau ministrligi 70 myng otbasy atauly kómek alu ýshin tabysyn jasyrghan, 200-ke tarta qyzmetker jauapkershilikke tartyldy dep mәlimdegen.

Aqparat qúraldarynda jariyalanghan derek boyynsha, atauly әleumettik kómekti qaytaru turaly talap kóp balaly analardyng narazylyghyn tughyzghan. Olardyng aituynsha, keybir kezde jergilikti organdar jәrdemaqyny taghayyndau-taghayyndamau mәselesin sheshken kezde tipti az aqshanyng ózin esepke alghan.

Ótken jyldyng sonynda jergilikti BAQ otbasynyng tabys kólemi kedeylik sheginen 104 tengege asyp ketkeni ýshin atauly әleumettik kómek retinde tólengen aqshany qaytarugha mindettelgen, Aqmola oblysy, Zerendi audanynda túratyn kóp balaly әkening júmyspen qamtu ortalyghyna atauly әleumettik kómek aqshasyna satyp alghan zattardy aparyp bergenin jazdy.​

Biyl aqpanda Núr-Súltanda uaqytsha baspanada shyqqan órtten bir otbasynyng bes qyzy qaza tapqan. Osydan keyin elde kóp balaly әielderding narazylyghy kýsheyip, olar biylikten jәrdemaqyny ósirudi talap etken. Osydan song ýkimet túrmysy tómen otbasylarda atauly әleumettik kómekti kóbeytken. Jana jyldan bastap ýkimet kóp balaly analargha jana jýie boyynsha jәrdemaqy tóley bastaghan.

2020 jyldyng 28 qantar kýngi jaghday boyynsha, 80,5 myng otbasynan (412,9 myng adam, olardyng 265,6 myny bala) atauly әleumettik kómek taghayyndau turaly ótinish týsken. Olardyng 24 mynyna AÁK taghayyndalghan.

Abai.kz