Beysenbi, 2 Säuir 2020
COVID-19 QAZAQSTANDA. Jwqtırğandar — 402. Jazılğandar — 27. Qaytıs bolğandar — 3
1255 3 pikir 23 Qañtar, 2020 sağat 10:55

Putin 2024 jıldan keyin "jetekşi" rölden bas tartpaq

Resey prezidenti Vladimir Putin 2024 jılı ökilettigi ayaqtalğannan keyin "jetekşi" rölden bas tartadı. Ol osılay dep Soçidegi "Sirius" bilim beru ortalığında studenttermen kezdesu kezinde mälimdedi.

"Jetekşi" röli turalı studenttiñ biri swradı. Putin memleket basşısınan joğarı twratın instituttıñ boluı "qos bilik tuğızıp, eldi qwrdımğa aparadı" dep jauap berdi.

Putin Lipeck oblısı twrğındarımen de kezdesken. Onda ol parlamenttik basqaru tiimdi dep eseptemeytinin mälimdegen.

Prezidenttiñ pikirinşe, elde köpjıldıq täjiribesi bar partiya joq. "Partiyalardıñ deni naqtı twlğamen baylanıstı. Mısalı Jirinovskiy bar, LDPR bar, Jirinovskiy joq...", – degen Putin.

Prezident sonımen birge Resey iri territoriyasımen mıqtı prezidenttik bilikti qajet etedi dep, basqa basqaru jüyesimen täjiribe jasamağan abzal degen.

Putin bir apta bwrın Konstituciyağa özgeris engizudi wsındı. Ol Memlekettik keñesti qayta jañğırtu rölin wsındı. Qazirgi oppoziciya Putin 2024 jılı bilikten ketse, Memlekettik keñesti basqarıp bilikte qala bergisi keledi dep qauiptenedi.

Abai.kz

3 pikir