Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Tağayındau 2123 5 pikir 14 Qañtar, 2020 sağat 14:17

Ädilbek Qaba jaña qızmetke tağayındaldı

Jurnalist Ädilbek Qaba QR mädeniet jäne sport ministrliginiñ til sayasatı komiteti törağasınıñ orınbasarı qızmetine tağayındaldı. Bwl turalı mädeniet jäne sport ministriniñ keñesşisi Erlan Jwrınbaev ayttı.

- Bwğan deyin QR bas prokuraturasınıñ til sayasatı basqarma bastığı, "Til jäne qoğam" jurnalınıñ bas redaktorı, QR Parlamenti menatı baspasöz qızmetiniñ basşısı  qızmetin abıroymen atqarğan belgili zañger-jurnalist, jazuşı, aqın Ädilbek Qaba QR Mädeniet jäne sport ministrliginiñ til sayasatı komiteti törağasınıñ orınbasarı qızmetine tağayındaldı. El ömirine qatıstı qay taqırıpqa qalam siltese de tereñ zerdelep, äleumettik problemanıñ tamırın döp basıp, qoğam nazarın audara alatın qalamgerlik şeberligimen tanılğan Qazaqstan jurnalister akademiyasınıñ akademigi Ädilbek Qaba, "Jas alaş", "Ayqın" gazetterinde Bas redaktordıñ birinşi orınbasarı, qızmetin atqarğan bolatın.Tanımal qalamger, wltjandı azamat, älem halıqtarı jazuşıları odağınıñ müşesi Ädilbek Qaba mırzağa jaña qızmetinde sättilik tileymiz, - deydi Erlan Jwrınbaev.

Ayta keteyik, Ädilbek Küneshanwlı Qaba 1963 jılı 14 aqpanda Almatı oblısı Narınqol audanı (qazirgi Rayımbek audanı) Sarıbastau auılında düniege kelgen. Orta mektepti 1980 jılı tamamdap, eñbek jolın atalğan audannıñ Lenin wjımşarında bastağan. KazGU-diñ jurnalistika fakul'tetin bitirgennen soñ "Aray-Zarya" jurnalında tilşi boldı. "Leninşil jas" (qazirgi "Jas alaş") gazetiniñ jauaptı hatşısı, bas redaktor orınbasarı, "Ayqın" gazeti bas redaktorınıñ birinşi orınbasarı, "Til jäne qoğam" jurnalınıñ redaktorı, QR bas prokuraturası baspasöz qızmetiniñ basqarma basşısı, baspasöz qızmetiniñ jetekşisi qızmetterin atqarğan.

2012-2018 jıldar aralığında Ädilbek Qaba Parlament Senat baspasöz qızmeti jetekşisiniñ orınbasarı qızmetin atqarıp keldi. Al bıltır baspasöz qızmetiniñ jetekşisi boldı.

Derekköz: Baq.kz

Abai.kz

5 pikir