Tәuelsizdik kýni qarsanynda "beybit jiyn ótkizu tәrtibin búzdy" dep aiyptalyp, 10-15 kýnge qamalghan birneshe adam jeltoqsannyng 20-sy kýni ótken appelyasiyalyq sottyng sheshiminen keyin, narazylyq bildirip, ashtyq jariyalaghan edi. Advokat Janar Balghabaevanyng aituynsha, olar ózderi siyaqty aiyptalyp, qamalghan jiyrmadan astam adamdy bosatudy talap etken.

Belsendilerdi qoldap, olardy bosatudy talap etken azamattar arasynda qúqyq qorghaushy Erlan Qaliyev, qogham belsendisi Marjan Aspandiyarova, belsendi Janbolat Mamay, Saqyp Janabaeva jәne ashtyq jariyalaghan adamdardyng tuystary jәne ózge de qala túrghyndary boldy. Olar qamau ornynyng aldynda qoghamdyq-sayasy ahualgha baylanysty pikirlerin aityp, sayasy tútqyndardy bosatudy talap etti. "Bostandyq!" dep aiqaylady. Alayda mekemeden eshkim shyqqan joq. Qúqyq qorghaushylardyng aituynsha, olar belsendilerding advokaty bolmaghandyqtan olardy ishke kirgizbeydi. Olar qamaudaghy belsendilerding jaghdayyn bilgisi keletinin aitty.

"Biz jasaghan tizim boyynsha mekemede qamauda otyrghan 26 adam ashtyq jariyalaghan. Olardyng ashtyq jariyalauynyng sebebi belgisiz. Advokat Janar Balghabaevanyng aituynsha, qamalghandar mekeme qyzmetkerlerining qysymyna shaghymdanghan. Tәuelsiz baqylaushylardy ishke kirgizbeydi" degen Erlan Qaliyev.

Keshe advokat Janar Balghabaeva ashtyq jariyalaghan belsendiler Qanat Jaqypov jәne Ashat Jeksebaevpen kezdeskenin, Jaqypovtyng basy ainalyp túrghanyn aitqan edi. Olar tek su ishedi.

Al Almaty qalalyq polisiya departamenti Azattyqqa qamauda otyrghandardyng ashtyq jariyalaghanyn rastamaghan.

Abai.kz