Düysenbi, 3 Tamız 2020
COVID-19 QAZAQSTANDA. Jwqtırğandar — 92662. Jazılğandar — 62511. Qaytıs bolğandar — 793
Jañalıqtar 2373 17 pikir 6 Jeltoqsan, 2019 sağat 12:47

Kelimbetovter 2 million teñgege juıq aylıq aladı. Basqaları şe?

Ötkende Mäjilis «Astana» halıqaralıq qarjı ortalığı turalı» Konstituciyalıq zañ jobasına tüzetulerdi maqwldadı. Mäjiliste söz alğan ortalıqtıñ basşısı Qayrat Kelimbetov qarjı alañı arqılı tartılğan investiciya men qarız kapitalı turalı mälimet berdi.

Onıñ aytuınşa, 2018-2019 jıldarı AHQO arqılı elimizge şamamen 2,5 mlrd dollar investiciya tartılğan. Onıñ işinde qarız kapitalı 2 milliardtan asadı. Al, menşikti kapital 216 million teñge bolğan körinedi.

Sonımen qatar ol AHQO qızmetkerleriniñ qanşa jalaqı alatını turalı aytıptı. Bizdiñ köñilimizdi audarğanı da osı boldı.

Kelimbetovtıñ sözinşe, «Astana» halıqaralıq qarjı ortalığınıñ basşılığındağı azamattarğa bonustar berilmeydi eken. Jäne olar «Bäyterek» holdinginiñ qızmetkerlerimen deñgeyles kölemde jalaqı aladı. Kelimbetov keltirip otırğan  derekke sensek, «Bäyterek» basşılarınıñ aylığı şamamen 5 mıñ dollar köleminde boladı.

Endi osı 5 mıñ AQŞ dolların qazirgi kurspen eseptep, teñgege audarsaq - 1 938 500 teñge boladı. Bwl jañağı Kelimbetov basşılıq etetin ortalıq basşılarınıñ aylıq jalaqısı.

Milliondap aylıq alatın jalğız Kelimbetovter emes. Aqorda men Ükimetti aytpağanda, türli lauazımdağı äkimder men Parlament deputattarınıñ aylıq tabısı da millionnıñ töñireginde ekeni birazdan beri aytılıp jür.

Jalpı, lauazımdı qızmettegilerdiñ tabısı turalı aşıq mälimet asa köp emes. Dese de, äkim-qaralardıñ keybiri jalaqısın jasırmay aytıp ta jür. Mäselen, Batıs Qazaqstannan Elordağa köş tüzegen Kölginov mırzanıñ aylığı 770 mıñnan joğarı eken. Astanağa auıssam da aylığım sol mölşerde qaladı degen Altay Kölginov Nwr-Swltandağı jwmıstıñ qanşa degenmen auır ekenin aytadı.

Al, Elordanıñ eks-äkimi bolğan Baqıt Swltanov sol qızmette otırğanda 960 mıñnan astam aylıq alğanın aytqan. Alayda, Swltanov ta mwnı eñ tömengi 34 jalaqınıñ qatarına jatadı dep renjigendey bolıp edi.

Almatı äkiminiñ aylığı 950 mıñ teñge. Biraq, Sağıntaev onıñ 200 mıñın salıqqa töleydi eken. Al, Almatınıñ bwrınğı äkimi Bauırjan Baybek bwl qızmette jürgende 600 mıñ teñge aylıq alatının aytqan.

Endi aymaq äkimderiniñ aylığına az-kem toqtalıp ötsek:

2018 jıldıñ qazan ayındağı mälimetter boyınşa, Pavlodar oblısınıñ äkimi Bolat Baqauovtıñ aylığı - 744 mıñ, Atırau oblısınıñ basşısı Nwrlan Noğaev 742 mıñ alatının aytqan. Soltüstik Qazaqstan oblısınıñ äkimi Qwmar Aqsaqalov 766 mıñ teñge aladı eken. Basqa öñir basşıları äzirge aylıq tabısı turalı ayta bermeytin körinedi.

Al, ministrlik ökilderi şe?

Bizge belgilisi BjĞM vice-ministri Şolpan Karinova 600 mıñ aylıq alatının aytqan. Tağı bir BĞM vice ministri Rüstem Biğari 640 mıñ aylıq aladı. Al, Eñbek jäne Halıqtı äleumettik qorğau vice-ministri Aqmädi Sarbasov 650 mıñ alatının aytadı.

Deputattardıñ jalaqısı turalı naqtı mälimet joqtıñ qası. Oğan sebep te joq emes. Osıdan eki jıl bwrın olardıñ aylığı 1 mln. teñgege deyin köteriletini jariya bolğan. Ol qoğam tarapınan qızu talqığa tüsti. Tipti, eks-senator Uälihan Qaysar parlamenttegi 150-den astam deputattı bağu memleketke ülken şığın, degen bolatın.

Eks-senatordıñ sözinşe, deputattar Elordanıñ ortasındağı «Nwr Saya» keşenindegi päterde tegin twradı. Qızmettik kölik jäne medicinalıq qızmet tegin körsetiledi. Oğan qosa, är mereke sayın million teñge köleminde sıyaqı alatının aytqan edi.

Al, eñ mıqtı jwmıs isteydi degen deputat künine eñ köbi 80-100 bet qağaz oqidı eken. Osı üşin olarğa million jalaqı töleu qanşalıqtı ädiletti, degen...

Salıstıru üşin aytayıq, 2019 jılğı esep boyınşa, Qazaqstandağı eñ tömengi aylıq jalaqı - 42 500 teñge bolsa, memlekettik bazalıq zeynetaqı tölemderiniñ eñ tömengi mölşeri - 16 037 teñge. Al eñ tömengi zeynetaqı - 36 108 teñge.

Järdemaqı men twrmıstıq-äleumettik tölemderdi, sonday-aq, ayıppwldar men basqa da tölemderdi esepteu üşin aylıq eseptik körsetkiş (AEK) 2 525 teñge dep belgilengen. Al bazalıq äleumettik tölemderdi esepteu üşin eldegi eñ tömengi künköris deñgeyi - 29 698 teñge eken.

Al resmi statistika tüzuşiler eldegi ortaşa jalaqı mölşerin eseptegende jañağı 2 million alatındar men 42 mıñ teñge alatındardıñ jalaqısın ortaq esep qıladı. Sodan şıqqan qorıtındı san - Qazaqstandağı ortaşa jalaqı bolıp belgilenedi.

Nwrbike Bekswltanqızı

Abai.kz

17 pikir