Myna fotoda bizding jurnalist shәkirtimizding biri túr eken. Bas-ayaghyn qiyp tastadyq. Óz suretin ózi tanityn shyghar. Múnshalyqty maqtanshaq dep oilamap edik. Elge istegen qyzmetimen maqtansyn. Kópten ozghan sujet, telehabarymen maqtansyn. Jarly-jaqybaygha jasaghan jaqsylyghymen maqtansyn. Ónegeli úl-qyz tәrbiyelegenimen maqtansyn. Al, beykýnә qústy atyp alyp, maqtanyp túrghany ýshin bauyrymyzdy jek kórip kettik.

Sol siyaqty Pavlodar oblysynyng әkimining Bolat Baqauov degen azamatty jek kóremiz. Bizge esh qastyq jasaghan joq. Tipti, jýzdesken jan emes. Endeshe nege jek kóremiz? Áleumettik jeliden eki avtomashinanyng aldyn qaz-ýirekke toltyra tizip, birneshe jigitting ortasynda túrghan fotosyn kórgenbiz. Qanshama qaz-ýirekti qyryp tastaghan. Obal ghoy. Sonshalyqty ash jýrgen joq shyghar. Auyly, aghayyny tamaqsyz qalyp, Baqauovtyng qanjyghasyna telmirip otyrmaghan shyghar. Bir ýiir qaz, bir ýiir ýirekti atyp alghannan búlardyng býiregi maylanbaghan shyghar. Endi eshtene bolmaghanday oblys basqaryp otyr.

Ras, әuestigi bar delik. Zandy jolmen atqan delik. Biraq, jiyrma-otyz qaz ýirekti qyrghan kezinde suretke týsken danghoylyghyn úmyta da, keshire de alar emespiz.

Qazaqta Áuezov te, Mýsirepov te qús atqan. Ghabeng ony surettep jazady. Biraq fotosyn kórmedik. Qonaev ta atqan. Diymekenning birneshe qústy ústap túrghan fotosy bar. Sol suretke beker týsken eken jaryqtyq dep oilaymyz.
Jaraydy, ol kezde anshy az da, qús kóp edi. Qazir anshy kóbeyip, qús azaydy. Oilanu kerek! Qústy qyrghandy emes, qorghaghandy nasihattau kerek.

Jetpisinshi jyldar basynda jas aqyn Shómishbay Sariyev óleng jazghan:
Kósem qaz, joldy bastap týsting be algha,
Beybit el berekesin qúshtyndar ma?
Jazylmaghan júptaryng týgel me edi,
Úyalaryng búzylmay úshtyndar ma?
Aqyn aghamyz qazir basqasha óleng jazatyn shyghar:
Kósem qaz, joldy bastap týsting be algha,
Beybit el berekesin qúshtyndar ma?
Jazylmaghan júptaryng Baqauovtyn,
Myltyghyna ilinbey úshtyndar ma?

Kópten oida jýrgen zapyran edi. Myna fotony kórgende aqtarylyp ketti.

Qaynar Oljaydyng facebook paraqshasynan

Abai.kz