Beysenbi, 21 Qaraşa 2019
Sañlaq 2396 5 pikir 23 Qırküyek, 2019 sağat 12:25

Älem birinşiliginen 1 altın medal' ğana bwyırdı

8-21 qırküyek aralığında Reseydiñ Ekaterinburg qalasında bokstan HH älem çempionatı ötti. Resey jerinde 91 elden kelgen 488 sportşı baq sınadı.

Ayta keterligi, kezekti jahandıq dodada boksşılar 8 salmaq sanatında ğana öner körsetti. Onıñ üstine, Olimpiadağa joldama berilgen joq. Basınan dauı arılmağan AIBA-ğa äbden ökpelegen Halıqaralıq Olimpiada komiteti Olimpiada licenziyasın özderi beretin boldı. Ol üşin HOK kelesi jılı arnayı irikteu turnirin ötkizbek.

Şının aytqanda, äuesqoy bokstıñ basınan baq taydı. Töreşilerdiñ bwra tartuı men barmaq bastı - köz qıstılıq älemdik arenadağı bokstıñ bedelin tım tömendetip jiberdi. Tipti halıqaralıq Olimpiada komiteti bokstı 2020 jılğı Olimpiada oyındarınıñ bağdarlamasınan alıp tastauı da mümkin edi. Abıroy bolğanda, HOK bwl qadamğa barğan joq. Tek irikteu qwqığın öz qoldarına aldı.

Qazaqstan qwraması älem çempionatına 1993 jıldan beri qatısıp keledi. Qazaqstandıq boksşılar özderi qatısqan 13 älem birinşiliginde 11 altın, 12 kümis, 17 qola medal'ge qol jetkizgen. Çempionat tarihındağı jalpı komandalıq esepte törtinşi orında twr. Bizdiñ aldımızda Kuba, KSRO/Resey jäne AQŞ qwraması ğana bar.

Bizdiñ qwrama üşin eñ tabıstı älem çempionatı 2013 jılı öz jerimizde, Almatıda ötti. Ol kezde bizdiñ boksşılar 4 altın, 2 kümis, 2 qola medal' jeñip aldı. Qazirgi qwrama sapında ol kezdegi jigitterden tek Qayrat Eräliev qana qaldı.

Al 2015 jılı Katarda ötken älem birinşiliginde Qazaqstan qwramasına eki qola medal' ğana bwyırdı. Olardı Daniyar Eleusinov (69 keli) pen Ivan Dıçko (91 keliden joğarı) jeñip aldı.

Arağa tağı eki jıl salıp ötken 19-şı kezekti älem çempionatı da biz üşin asa tabıstı bola qoyğan joq. Germaniyanıñ Gamburg qalasında Mırzağali Aytjanov şäkiritteri 1 altın, 2 kümis, 3 qola medal' aldı. Jalpı komandalıq esepte Kuba men Özbekstannan keyingi üşinşi orınğa jayğastı.

Qazaqstan qwramasınıñ bas bapkeri Ğalımbek Kenjebaev Ekaterinburgke tömendegi 8 boksşını ertip barğan.

52 keli: Säken Bibosınov
57 keli: Qayrat Eräliev
63 keli: Zäkir Safiullin
69 keli: Abılayhan Jüsipov
75 keli: Twrsınbay Qwlahmet
81 keli: Bekzat Nwrdäuletov
91 keli: Vasiliy Levit
+91 keli: Qamşıbek Qoñqabaev.

Resey jerinde baq sınağan 8 sañlaqtıñ jeteui şirek finalğa şıqtı. 63 kelige deyingi salmaq sanatında öner körsetken Zäkir Safiullin ğana 1/8 finalda jarıstı ayaqtaldı. Ol Kuba boksşısı Endi Kruske ese jiberdi.

52 keli: Säken Bibosınov - YUberhen Martines (Kolumbiya) 5:0
57 keli: Qayrat Eraliev - Çatçay Butdi (Tayland) 5:0
63 keli: Zäkir Safiullin - Endi Krus (Kuba) 0:5
69 keli: Abılayhan Jüsipov - Nik Bir (Germaniya) 5:0
75 keli: Twrsınbay Qwlahmet - Hav'er Martines (AQŞ)
81 keli: Bekzat Nwrdäuletov - Keno Maşado (Braziliya) 4:1
91 keli: Vasiliy Levit - Marat Grigoryan (Ukraina) 5:0
+91 keli: Qamşıbek Qoñqabaev - Ayub Gadf (Ispaniya) tehnikalıq jeñis.

Şirek finalğa şıqqan jetki boksşımızdıñ bireui jarıstı osı kezeñde ayaqtadı. Bwl Qayrat Eräliev (57 keli) özbek boksşısı Mirazizbek Mirzahalilovten jeñildi. Söytip, qwramadağı eñ saqa eki boksşı qatardan şığıp qaldı.

Şirek finaldıq kezdesuler:

52 keli: Säken Bibosınov — Artur Oganesyan (Armeniya)
57 keli: Qayrat Eraliev — Mirazizbek Mirzahalilov (Özbekstan)
69 keli: Abılayhan Jüsipov — Roan Polanko (Dominikan Respublikası)
75 keli: Twrsınbay Qwlahmet — Arman Darçinyan (Armeniya)
81 keli: Bekzat Nwrdäuletov — Bayram Malkan (Türkiya)
91 keli: Vasiliy Levit — Husseyn YAşaiş (Iordaniya)
+91 keli: Qamşıbek Qwnqabaev — Nelvi Tiafak (Germaniya).

Söytip jartılay finalğa altı qazaqstandıq joldama alğan. Bwl körsetkiş boyınşa jarıs qojayını Resey (4) men bastı qarsılas Özbekstandı (5) basıp ozğan edik. Alayda aqtıq sınğa tek eki boksşımız ğana ötti. Bwl jolı Säken Bibosınov, Abılayhan Jüsipov, Twrsınbay Qwlahmet jäne Vasiliy Levit jeñiliske wşıradı.

Jartılay finaldıq kezdesuler:

52 keli: Säken Bibosınov - Amit Panghal (Ündistan)
69 keli: Abılayhan Jüsipov - Andrey Zamkovoy (Resey)
75 keli: Twrsınbay Qwlahmet - Eymur Marisal' (Filippin)
81 keli: Bekzat Nwrdäuletov - Hulio Sezar La Kruz (Kuba)
91 keli: Vasiliy Levit - Hulio Sezar Kastillio (Ekvador)
+91 keli: Qamşıbek Qoñqabaev - Djastis Huni (Avstraliya).

Aqtıq sında jwdırıqtasqan qos qabılannıñ da bireui ğana jeñiske jetti. 81 kelide jwdırıqtasqan jas boksşı Bekzat Nwrdäuletov älem çempionı atandı. Al Qamşıbek Qoñqabaev eski qarsılası özbekstandıq Bahodir Jalolovqa ese jiberdi.

Finaldıq kezdesuler:

81 keli: Bekzat Nwrdäuletov - Diolşodbek Ruzmetov (Özbekstan)
+91 keli: Qamşıbek Qoñqabaev - Bahodir Jalolov (Özbekstan).

Bekzat Nwrdäuletov

Sonımen, kezekti älem birinşiligin 1 altın, 1 kümis, 4 qola medal'men qorıtındıladı. Jalpı komandalıq esepte tağı da üşinşi orın aldı. Bizden bir satı joğarı orınğa 3 altın, 1 qola medal' alğan Resey jayğastı. Al 3 altın, 1 kümis, 1 qola medal'men özbek boksşıları köş bastadı.

Osılayşa, soñğı üş älem çempionatında (2015, 2017, 2019) da Özbekstan boksşılarına esemiz ketti. Bwdan bölek, 2017, 2019 jılğı Aziya çempionatında, 2016 jılğı Olimpiada oyındarında, 2017 jılğı Aziya oyındarında ala şapandı ağayındardan qalıp ketkenimiz bar.

52 keli

Säken Bibosınov elimizde ötken soñğı eki turnirde top jardı. Biıl mamır ayında Qızılordada ötken Qazaqstan Respublikasınıñ V Spartakiadasında jäne şildede Nwr-Swltan qalasında ötken QR Prezidenti Kubogında qarsılas şıdatqan joq.

Al Ekaterinburgte qola medal'ge qol jetkizdi. 1997 jılı düniege kelgen jas boksşı üşin jaman körsetkiş emes. Bwl salmaqta altın medal'di özbek boksşısı Şahobidin Zoirov jeñip aldı. Ol finalda ündistandıq Amit Pangaldı wttı.

57 keli

Bwrınğı bapker Aytjanovtıñ süyikti boksşılarınıñ biri Qayrat Eräliev "qartaya" bastağanına qaramastan, Reseyde baq sınadı. Qwramadağı eñ saqa boksşı bwğan deyin älem birinşiliginen 1 altın, 1 qola medal alğan. Biraq, soñğı kezderi iri turnirlerdegi nätijesi naşar. Aziya çempionatında şirek finalda sürindi, Prezident Kubogında qola medal'di qanağat twttı.

Qayrat bwl jolı şirek finalda sürindi. Boksşımızdıñ jolına kese-köldenen twrğan özbekstandıq Mirazizbek Mirzahalilov osı turnirde tübi top jardı. Finaldıq kezdesude Mirazizbek üş dürkin älem çempionı kubalıq Lasoro Al'varesten basım tüsti.

63 keli 

Bwrınğı 64 keli men 60 keliniñ arasınan payda bolğan jaña salmaq därejesi. Ökiniştisi, bwl eki salmaqta da birqatar jaqsı boksşılarımız bar edi. Tailandta ötken Aziya çempionatında 60 kelide Zäkir Safiullin kümis, 64 kelide Sanatäli Töltaev qola medal' alğan. Osı ekeuiniñ arasınan tañdau 32 jastağı Zäkir Safiullinge tüsken eken. Al 1999 jılı düniege kelgen egiz boksşı Samatäli, Sanatäli Töltaevtarğa bwl jolı mümkindik berilmedi.

Zäkir Safiullin Ekaterinburgte 1/8 finalda sürindi. Zäkirdi jeñgen Kuba boksşısı Endi Krus bwl salmaqta top jardı. Ol aqtıq kezdesude AQŞ sportşısı Keyşon Devisti jeñdi.

69 keli

«Qazaqtıñ salmağı» atanğan 69 kelide qazaqtıñ jolı bolmay jür. Abılayhan Jüsipov pen Aslanbek Şımbergenov ekeui de mıqtı boksşılar. Biraq, iri turnirlerde "altın" almağandarına köp boldı. Şımbergenov 2018 jılı Aziya oyındarında, biıl Aziya çempionatında özbek Bobo Usman Baturovtan jeñildi.

Al osı jolı el ümitin arqalağan Abılayhan Jüsipov "qolanı" qanağat twttı. Ol jartılay finalda özinen on jas ülken Andrey Zamkavoydan jeñildi. 32 jastağı reseylik boksşı aqtıq sında angliyalıq Pet Makkormaktı jeñip, çempion atandı. Däl osı Zamkavoy 2012 jılı London qalasında ötken Olimpiadada Serik Säpievten 1/2 finalda wtılğan bolatın.

75 keli

Bwl salmaqtıñ köşbasşısı Äbilhan Amanqwl bolğanımen, Twrsınbay Qwlahmet janküyer qauımnıñ köñilinen şıqqan. Biıl Aziya çempionatın top jardı, kezinde Äbilhandı jeñgen özbek boksşısı Israil Madrimovtı Tailand jerinde qualap jürip sabadı. QR Prezidenti kubogında da qarsılas şıdatqan joq.

Onıñ üstine Äbilhan Amanqwldı jaraqatı mazalap jür. Eger osı jolğı älem çempionatında jeñiske jetse, Twsınbay 75 kelide tizgindi öz qolına alar edi. Alayda 25 jastağı boksşı Reseyde säl sätsizdikke wşılardı. Jartılay finalda filipindik Eumir Mars'yal'dan jeñildi. bwl salmaqtıñ "altının" däl osı Mars'yal'di jeñgen reseylik Gleb Bakşi aldı.

81 keli

Bwl salmaqtıñ mıqtısı Bek Nwrmağanbet bolatın. 1998 jılı düniege kelgen Bek Aziya çempionatında eş qiındıqsız jeñiske jetken. Biraq, Bek jaraqat alıp qalğandıqtan älem çempionatına Bekzat Nwrdäuletov barğan.

Nwrdäuletov qwrdasınıñ ornın joqtatqan joq. Mamandar osı kezekti älem çempionatınıñ bastı sensaciyan osı jigit jasadı dep jür. Jas boksşı 1/2 finalda 2016 jılğı Olimpiada çempionı, tört märte älem birinşiliginiñ jeñimpazı Hulio La Kruzdı jeñdi. Al aqtıq sında özbekstandıq Diolşodbek Ruzmetovtı ayqın basımdılıqpen jeñip, el qorjınına jalğız altın medal'di saldı.

Ayta keterligi, Bekzat biıl mamırda Qazaqstan Spartakiadasına 91 kelide qatısıp, qola medal' alğan. Al şildede Prezident kubogında 81 kelide öner körsetip, kümis medalge qol jetkizgen bolatı.

91 keli

91 kelide birinşi nomerli boksşı Vasiliy Levit. Biraq jası 31-ge kelgen Levitti Tailandta ötken Aziya çempionatında käris boksşısı nokautqa tüsirip ketken bolatın.

Biraq bapkerler bwl jolı da Levitke ümit artqan edi. Alayda ümit tağı aqtalmadı. Qola medal' aldı degenimizben, asa täjiribeli Levit üşin bwl säl jetkiliksiz nätije. Levit jartılay finalda ekvadorlıq Hulio Kastil'oğa ese jiberdi. Al Kastil'o aqtıq sında jarıs qojayını Muslim Gadjimagomedovtan jeñilip, kümis medal' aldı.

Bwl salmaqta 2000 jılı düniege kelgen Aybek Oralbaydıñ qarqını jaqsı. Jas Aybek jasöspirimder arasındağı Olimpiada oyındarınıñ jeñimpazı, Qazaqstan Spartakiadasınıñ çempionı.

Biıl şildede ötken Prezident kubogınıñ finalında eki boksşınıñ joldarı tüyisti. Tartıstı ötken jekpe-jekte Levit töreşilerdiñ şeşimimen jeñiske jetti. Täjiribesi azdau, fizikalıq twrğıdan säl jetkiliksiz demeseñiz Aybektiñ deñgeyi Vasiliyden eş kem emes. Aldağı uaqıtta 91 kelide köşbasşı auısarı sözsiz.

+ 91 keli

Bwl salmaqta bizdiñ elde Qamşıbek Qoñqabaev köşbasşı. Biraq älemde ekinşi orınnan asar emes. Aziya çempionatında eki ret (2017, 2019), älem çempionatında eki ret (2017, 2019) kümis aldı. Osı tört finaldıñ üşeuinde özbekstandıq Bahodir Jalolovtan jeñildi.

Boyı 2 metr (198 sm) Jalolov äuesqoydan göri, käsipqoyğa jaqındau. Käsipqoy boksta 7 jekpe-jek ötkizip ülgergen. 25 jastağı Jalolovtı jeñu qazirşe Qoñqabaevqa mümkin bolmay twr. Mümkin kelesi jolı Tokioda säti tüser...

Quanış Qappas

Abai.kz

5 pikir