Düysenbi, 18 Qaraşa 2019
668 0 pikir 29 Tamız, 2019 sağat 13:46

Elbası Joldauına say käsipkerlikke qoldau körsetilude

Ärbir qazaqstandıq azamat adal eñbegi men öz küşine süyenip salauattı ömir sürui kerek. Tınbay qwlşınıp eñbek etken adam sol eñbeginiñ jemisin jeytin boladı. "Eñbek etseñ erinbey, toyadı qarnıñ tilebey" degen halıq danalığı qay zamanda bolsa da öz mañızdılığın joyğan emes. 

Qazaqstan Respublikasınıñ Twñğış Prezidenti – Elbası Nwrswltan Äbişwlı Nazarbaev ärqaşanda el azmattarın eñbek etip, käsipkerlikpen aynalısıp, twrmıs öresin ösiruge şaqırıp otıradı. Elbasınıñ aytuınşa, jaqsı käsip istep, tabıstı ömir süruge talpınuı kerek.

El halqınıñ käsipkerlikpen aynalısuın qoldau maqsatında türli memlekettik bağdarlamalar qabıldanıp, tolıqqandı atqarılıp keledi. Sözimizge dälel retinde 2010 jılı qabıldanğan «Biznestiñ jol kartası – 2020» bağdarlamasın aytuğa boladı. Atalğan bağdarlama jemisti jwmıs jasap jatqandıqtan, Elbası kezekti joldauında bwl bağdarlamanıñ qoldanılu merzimin 2025 jılğa deyin wzartudı tapsırğan bolatın.

Qazaqstandıqtar jaqsı biletindey, Elbası är jılı Qazaqstan halqına arnap Joldau joldaytın edi. Twñğış Prezident öziniñ ärbir Joldauında otandatarımızdıñ twrmıs öresin joğarlatıp, saluattı ömir süruine dol silteydi. El azamattarınıñ tabısın arttırıp, ömir sapasın köteru üşin jasaluı tiis jwmıstarğa bağıt silteydi.

Däl osınday asa mañızdı Joldaulardıñ birin Elbası ötken jılıdıñ besinşi qazanında elge jariyaladı. «Qazaqstandıqtardıñ äl-auqatınıñ ösui: tabıs pen twrmıs sapasın arttıru» dep atalatın Joldauda Twñğış Prezident memlekettik qızmetkerlerge mañızdı mindetterdi jüktey otırıp, el ekonomikasın köteruge küş saluğa ündedi.

Atalğan Joldaudıñ 1-şi tarauı "Halıq tabısınıñ ösui" dep ataladı. Osı bölimde Elbası barşa otandastarımızdı barınşa eñbekqor boluğa şaqırğan. "Ärbir azamat tırısıp eñbek etip, Ükimet pen halıq birlese äreket etkende ğana Jalpığa ortaq eñbek qoğamın qwra alamız" degen edi.

Twñğış Prezident el azamattarınıñ twrmıs öresi bügingiden de jaqsaruı üşin biznes jaqsı damu kerek ekenin aytadı. Ol kisiniñ aytuınşa, şağın jäne orta biznesti damıtıp, käsipkerleikti qoldau memlekettik bwrınnan beri bastı nazarda wstap otırğan bağıtı. Sol üşin ärbir azamat osı bağıtta jwmıs isteuden tartınbauı kerek.

"Biznesti örkendetudiñ twraqtı közderin qalıptastırıp, jeke investiciyanı ıntalandıru jäne narıq erkindigin qoldau kerek. Däl osı biznes arqılı jaña jwmıs orındarı aşılıp, qazaqstandıqtardıñ basım böligi tabıspen qamtamasız etiledi" , - degen edi Twñğış Prezident osı Joldauında.

Elbasınıñ osı Joldaudağı tapsırmasın orındau üşin är sala qızmetkerleri belsene jwmıs isteude. Atap aytsaq, jaqında Şımkent qalasına arnayı saparmen kelgen Qazaqstan Respublikası Parlamenti Mäjilisiniñ deputatı, «Nwr Otan» partiyası frakciyasınıñ müşesi Baqıtbek Smağwl otandıq biznesti barınşa qoldau kerek ekenin ayttı. "El damuına üles qosıp otırğan otandıq bizneske qoldau körsetuimiz qajet", dedi deputat.

Deputat osı saparında qaladağı energetikalıq susındar men şırındar şığaratın «Bolaşaq 7» JŞS-niñ jwmısımen jaqınnan tanıstı. Atalğan öndiris zauıtı ataqtı «Tassay» industrialdı aymağında ornalasqan. Zauıttıñ özindik jalpı qwnı – bir milliard teñge. Bwl käsiporın «Biznestiñ jol kartası – 2020» memlekettik bağdarlaması şeñberinde qoldau tapqan. Osı bağdarlamanıñ qoldauına süyene otırıp käsiporın zamanaui qondırğılarmen jabdıqtalğan. Baqıtbek Smağwl öndiris ornınıñ jwmısımen işkerley tanısıp, jwmısşılarmen jolıqtı.

"«Bolaşaq 7» seriktestiginde jasalatın önim şikizatınıñ 80 payızı öz elimizden. Zauıt soñğı tehnologiyamen jabdıqtalğan, önimimiz sapalı bolğandıqtar swranıs bar. Ağımdağı jıldıñ aqpan ayınan bastap iske qosılğan zauıtta 80-nen astam jwmısşını twraqtı jwmıspen qamtıp otırmız. Jalaqı 140-160 mıñ teñge köleminde", – dedi kezdesu barısında käsiporın direktorı Erlan Omarov.

Zauıtta öndirligen jergilikti susındardıñ dämin tatıp körgen mäjilis deputatı, bwl önimniñ sapasına joğarı bağa berip, tauar belgisin de jerine jetkize maqtadı.

"Temir qwtıdağı önim şığaratın elimizdegi birden-bir öndiris osınday qarqınmen jwmıs istep jatqanı quantadı. Zauıt basqa da öte sapalı susındarmen elimizdi qamtamasız ete otırıp, onı şetelge de eksporttaydı. Bizdiñ önimderge şetelderden, onıñ işinde körşiles Özbekstannan swranıs bar. Ökinişke qaray, bizdiñ önimderimizge olardıñ salığı 4 ese qımbat. Al, elimizge kirip jatqan şeteldikterdiñ önimderiniñ salığı az. Onday jağdayda Parlamentte «Nur Otan» partiyacımen birge salıq mäselesin şeşetin bolamız. Elimizdiñ damuına üles qosıp otırğan käsiporındarğa jağday jasau – bizdiñ mindetterimizdiñ biri", – dedi Baqtbek Smağwl.

«Biznestiñ jol kartası – 2020» memlekettik bağdarlaması jaylı biz joğarıda da aytqan edik. Osı bağdarlamanıñ arqasında elimizde talay azamat jeke käsibin döñgeletip otır. Elbası öz Joldauında 2010 jılı qabıldanğan «Biznestiñ jol kartası – 2020» bağdarlamasınıñ qoldanılu merzimin 2025 jılğa deyin wzartudı tapsırğan bolatın. Äri atalğan bağdarlamanı jüzege asıru üşin jıl sayın byudjetten qosımşa otız milliard teñge böludi qarastıru kerek ekenin aytqan edi. Osılay istegende üş jıl işinde qosımşa keminde 22 mıñ jaña jwmıs ornın aşuğa, 224 milliard teñge salıq tüsiruge jäne üş trillion teñgeniñ önimin öndiruge mümkindik beretin aytqan edi Elbası.

Abai.kz

0 pikir