Sot sheshimine sәikes, Almaghambetova jazasyn qauipsizdigi ortasha (jalpy rejimdegi) koloniyada óteytin bolady dep habarlady Azattyq tilshisine Aqtóbe oblystyq sotynyng baspasóz qyzmeti.
Sottalushynyng advokaty Nazgýl Dýisenbekovanyng Azattyqqa aituynsha, ýkim shyqqan kýni sot zalynda Aqmaral Almaghambetovanyng tuystary bolmaghan. Ýkim әli kýshine engen joq.
Qazaqstan biyligining "Jusan" arnayy operasiyasy ayasynda biyl kóktemde Siriyadan elge qaytarylghan song 32 jastaghy Aqmaral Almaghambetovagha tergeu oryndary "terrorizmdi nasihattady", "últtyq alauyzdyq tudyrdy" degen aiyptar taqqan edi. 22 shildede ótken alghashqy sot otyrysynda Almaghambetova ózine taghylghan aiyptardy tolyq moyyndap, prosestik kelisimge dayyn ekenin aitqan. Qylmystyng saralanuymen kelispegen sudiya 23 shildede Almaghambetovanyng isin jana prosestik kelisim jasau ýshin prokuraturagha qaytarghan bolatyn.
Tergeu materialdary boyynsha, Aqmaral Almaghambetova zandy nekedegi kýieuinen 2013 jylghy mamyr aiynda sharighat jolymen ajyrasqan song kóp úzamay ýsh balasyn oghan qaldyryp, shetelge ketken. 2014 jylghy qantarda Aqtóbede qalghan kýieuine Siriyadan habarlasyp, qaqtyghys aimaghynda jýrgenin aitqan. Keyin birneshe ret audio jәne jazbasha habarlama joldap, balalarynyng әkesine DAISh () ekstremistik úiymynyng "iydeyalaryn nasihattaghan".
Tergeuding dereginshe, Aqmaral Almaghambetova songhy alty jylda Siriyadaghy birneshe qalany mekendegen. Songhy túraghy osy elding soltýstigindegi Kobany qalasynan kýrd jasaghynyng kómegimen bosqyndar lagerine jetip, 2019 jylghy 9 mamyrda "Jusan" operasiyasy ayasynda Qazaqstangha Siriyada 2015 jәne 2017 jyldary dýniyege kelgen eki balasymen birge jetkizilgen.
Onyng eki balasy qazir memleket qarauynda. Aqtóbede olar tәrbiyelenip jatqan sәbiyler ýiining aty-jónin ataghysy kelmegen qyzmetkeri Azattyqqa balalardyng densaulyghy jaqsy ekenin aitty.
Biyl 7-9 mamyr aralyghynda "Jusan" arnayy operasiyasymen Siriyadan Qazaqstangha jetkizilgenderding ishinde Almaghambetovadan bólek taghy birneshe aqtóbelikting ýstinen qylmystyq is qozghalghan. Olardyng biri - 30 jastaghy Zarina Aqmalaeva "terrorizmdi nasihattau", "diny alauyzdyq qozdyru" baptary boyynsha aiypty dep tanylyp, shildening sonynda sot ýkimimen bes jylgha bas bostandyghynan aiyryldy. Zarina Aqmalaevanyng ózimen birge Qazaqstangha Siriyadan jetkizilgen kәmeletke tolmaghan eki balasy qazir naghashy әjelerining tәrbiyesinde.
2018 shilde aiynda Qazaqstan últtyq qauipsizdik komiyteti (ÚQK) Tayau Shyghysta soghys bastalghaly beri Siriya men Irakqa Qazaqstannyng 800-ge juyq azamaty ketkeni turaly habarlaghan. ÚQK mәlimetinshe, Siriya men Iraktaghy halyqaralyq terrorlyq úiymdar qatarynda qazaqstandyq 120 er, 250-den astam әiel jәne kәmeletke tolmaghan 500 bala bolghan.
2019 jyly Qazaqstan biyligi "Jusan" operasiyasy barysynda Siriyadan elge 516 adamdy jetkizgen, olardyng 360-y - bala. Búghan deyin biylik elge janadan oralghandardyng biraz uaqyt onaltu ortalyghynda bolatynyn habarlaghan.
Abai.kz
