Jeksenbi, 20 Qazan 2019
Bilik 3584 0 pikir 31 Mamır, 2016 sağat 17:41

AŞIQ AUKCION. KEN ORINDARI SATILMADI

Investiciyalar jäne damu ministri 16 mausımda ötkizemiz dep josparlağan jerqoynaularındağı qazba-baylıqtı aşıq aukciondağı satılımğa şığara almaytın bolıp jatır. Atalğan ministrliktiñ aşıq aukcionı ötpeytindigi turalı habarlağan Ratel.kz saytınıñ tilişisi «Qazaqstanğa endi eşkim qarajat salmaydı» dep qinalıptı (Qarañız: V Kazahstan den'gi uje ne vkladıvayut http://ratel.kz/outlook/v_kazahstan_dengi_uzhe_ne_vkladyvajut).

Mausımda bolıp qaladı dep kütilgen aukcionğa qazaq jeriniñ qoynauında jatqan altın, kümis, almas, mırş, mıs jäne sirek kezdesetin metalldar men polimetalldar keni satılmaqşı eken. Satılımğa qoyılğan ken orındarınıñ qwnı da «aqılğa qonımdı» bolsa kerek.  Mısalı, Aqmola oblısındağı «Komsomolskiy uçastogı» 9 mln, 436 mıñ, al Soltüstik Qazaqstan oblısındağı qoynauı almasqa tolı «Qaratal» ken ornındağı jwmıstıñ bastapqı qwnı bar-joğı 600 mıñ teñge köleminde belgilengen. «Osınday ken orındarın satıp aluğa eşkim täuekel etpedi. Qazaqstandıq käsipkerler atalğan jerlerdi satıp alğanımen igere almas edi. Ökinişke qaray, şeteldik investorlar aşıq aukcionğa qatısudan bas tarttı», - deydi sayt tilşisi.

Qazba baylığı äli tolıq barlanbağan ken orındarınıñ satılımğa tüse bastağanın bwdan bwrın da oqırman qauımğa jetkizgen edik  http://abai.kz/post/view?id=5769 . Sol alğaş ötken aukcionda  bastapqıda 2 millionğa bağalanğan Qarağandıdağı altınğa bay Naurızbay, Altınsay ken orındarı aukcion soñında 280 million teñgege  bağalanğanın jazğanbız.

Osı jayttardı kezekti ret qamtığan Ratel.kz saytınıñ tilşisi de Qarağandı oblısındağı Mıstöbe kenorını bastapqıda 991 mıñ teñgege bağalanıp, aukcionnıñ aqırında 240 million teñgege satılıp edi dep jazadı. Aldağı mausım ayında ötedi dep josparlanğan aşıq aukcionnıñ jwmısşı tobına jetekeşi Investiciyalar jäne damu ministrliginiñ vice-ministri Al'bert Rau: «Aukcionnıñ endi qaşan bolatını äzirge belgisiz. Jağday jıl soñındağı ekonomikalıq ahualğa qaray şeşimin tabadı», - deydi.

Qısqası, jerdi menşikke jäne şeşeteldikterge satuğa qarsı qazaq halqınıñ narazılıq tanıtuı şeteldik käsipkerlerdi oyğa qaldırğan siyaqtı. Al'bertter alqınıp jürip aşıq aukcionğa salmaq bolğan qazaqtıñ qazınalı jerlerine şeteldikterdiñ kenetten «köz swğın qadamay qaluında» osınday män bolsa kerek. 

Abai.kz  

0 pikir