Jeksenbi, 20 Qazan 2019
Qarbalas 5022 0 pikir 31 Tamız, 2015 sağat 12:19

ELBASI – KINOSCENARIST

Qazaq handığınıñ tarihın äygileytin serialdıñ avtorları Elbası Nwrswltan Nazarbaevtıñ tarapınan  scenariydiñ jaña nwsqasın jazuğa tapsırma aldı. 16 jeltoqsanğa deyin tüsirilip bituge tiis fil'mniñ jalpı nobayımen tanısıp şıqqan Prezidenttiñ serial avtorlarına eskertu jasağanı turalı Mädeniet jäne sport ministrligine silteme jasay otırıp, QazAqparat tilşisi habaraldı.

«Qazaq Eli» tarihi serialınıñ tüsirilimi jayında aytatın bolsaq, qazirgi kezde memleket basşısınıñ tüzetulerin eskere otırıp, fil'mniñ avtorları scenariydiñ jaña nwsqasın qwrdı. Jobanıñ qoyılımı qiın jäne onı jüzege asıru üşin auqımdı jwmıstar atqarılatın boladı», – deydi ministrliktiñ mälimdemesinde.

Bwl twrğıda dekoraciyalıq, pavil'ondıq, inter'erlik jäne ekster'erlik nısandardı jasau qarastırılğan. Onıñ işinde Sığanaq, Sozaq qamaldarın, Almalıq qalasın, handardıñ sarayları men özge de tüsirilim nısandarın, kiimderdi tigu, qajetti bwyımdar men  at äbzelderin dayarlau, qaru-jaraq, komp'yuterlik grafikanı äzirleu jäne basqa da şaralardı iske asıru jwmıstarı bar.

Esteriñzge sala keteyik,  «Qazaq Eli» tuındısınıñ rejisseri – Rüstem Äbdiraşev. Rejisser ötkennen beri fil'mge bölingen qarajattıñ jetpeytini jöninde aytıp jür.

«Qazaq Eli» fil'mi RF Prezidenti Putinniñ: «Qazaqtarda bwrın soñdı memleket bolğan emes», - degen sıñayda aytqan sözine jauap retinde tüsirilmek-mıs. Wzınqwlaq osılay deydi. Osı rette beri degende 5 ğasırdı qamtitın däuirdi bir jılda taspağa tartıp, kino tuındı jasauğa wmtılğan qazaq rejisserleriniñ täuekelin, ärine, jankeştilik deuge bolatın şığar. Alayda, on ekide bir nwsqası joq fil'm orta jolğa jetpey scenariylik tüzetuge wşıradı. Öytkeni ol Elbasınıñ köñilinen şıqpaytın siyaqtı. Söytip,  bügingi Qazaqstan qoğamınıñ bas rejisseri, säuletşisi, scenariysti – Nwrswltan Nazarbaev endi amaldıñ joqtığınan kinoscenariyge de aralasıp jatır.

Abai.kz  

0 pikir