جۇما, 29 ناۋرىز 2024
قاربالاس 7825 0 پىكىر 31 تامىز, 2015 ساعات 12:19

ەلباسى – كينوستسەناريست

قازاق حاندىعىنىڭ تاريحىن ايگىلەيتىن سەريالدىڭ اۆتورلارى ەلباسى نۇرسۇلتان نازارباەۆتىڭ تاراپىنان  ستسەناريدىڭ جاڭا نۇسقاسىن جازۋعا تاپسىرما الدى. 16 جەلتوقسانعا دەيىن ءتۇسىرىلىپ بىتۋگە ءتيىس ءفيلمنىڭ جالپى نوبايىمەن تانىسىپ شىققان پرەزيدەنتتىڭ سەريال اۆتورلارىنا ەسكەرتۋ جاساعانى تۋرالى مادەنيەت جانە سپورت مينيسترلىگىنە سىلتەمە جاساي وتىرىپ، قازاقپارات ءتىلشىسى حابارالدى.

«قازاق ەلى» تاريحي سەريالىنىڭ ءتۇسىرىلىمى جايىندا ايتاتىن بولساق، قازىرگى كەزدە مەملەكەت باسشىسىنىڭ تۇزەتۋلەرىن ەسكەرە وتىرىپ، ءفيلمنىڭ اۆتورلارى ستسەناريدىڭ جاڭا نۇسقاسىن قۇردى. جوبانىڭ قويىلىمى قيىن جانە ونى جۇزەگە اسىرۋ ءۇشىن اۋقىمدى جۇمىستار اتقارىلاتىن بولادى»، – دەيدى مينيسترلىكتىڭ مالىمدەمەسىندە.

بۇل تۇرعىدا دەكوراتسيالىق، پاۆيلوندىق، ينتەرەرلىك جانە ەكستەرەرلىك نىسانداردى جاساۋ قاراستىرىلعان. ونىڭ ىشىندە سىعاناق، سوزاق قامالدارىن، المالىق قالاسىن، حانداردىڭ سارايلارى مەن وزگە دە ءتۇسىرىلىم نىساندارىن، كيىمدەردى تىگۋ، قاجەتتى بۇيىمدار مەن  ات ابزەلدەرىن دايارلاۋ، قارۋ-جاراق، كومپيۋتەرلىك گرافيكانى ازىرلەۋ جانە باسقا دا شارالاردى ىسكە اسىرۋ جۇمىستارى بار.

ەستەرىڭزگە سالا كەتەيىك،  «قازاق ەلى» تۋىندىسىنىڭ رەجيسسەرى – رۇستەم ابدiراشەۆ. رەجيسسەر وتكەننەن بەرى فيلمگە بولىنگەن قاراجاتتىڭ جەتپەيتىنى جونىندە ايتىپ ءجۇر.

«قازاق ەلى» ءفيلمى رف پرەزيدەنتى ءپۋتيننىڭ: «قازاقتاردا بۇرىن سوڭدى مەملەكەت بولعان ەمەس»، - دەگەن سىڭايدا ايتقان سوزىنە جاۋاپ رەتىندە تۇسىرىلمەك-مىس. ۇزىنقۇلاق وسىلاي دەيدى. وسى رەتتە بەرى دەگەندە 5 عاسىردى قامتيتىن ءداۋىردى ءبىر جىلدا تاسپاعا تارتىپ، كينو تۋىندى جاساۋعا ۇمتىلعان قازاق رەجيسسەرلەرىنىڭ تاۋەكەلىن، ارينە، جانكەشتىلىك دەۋگە بولاتىن شىعار. الايدا، ون ەكىدە ءبىر نۇسقاسى جوق فيلم ورتا جولعا جەتپەي ستسەناريلىك تۇزەتۋگە ۇشىرادى. ويتكەنى ول ەلباسىنىڭ كوڭىلىنەن شىقپايتىن سياقتى. ءسويتىپ،  بۇگىنگى قازاقستان قوعامىنىڭ باس رەجيسسەرى، ساۋلەتشىسى، ستسەناريستى – نۇرسۇلتان نازارباەۆ ەندى امالدىڭ جوقتىعىنان كينوستسەناريگە دە ارالاسىپ جاتىر.

Abai.kz  

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594