Shara ayasynda qatysushylar Qazaqstandaghy BAQ-tyng taraluymen olardy tútynushylar turaly bir qatar naqty derekterge qanyqty. Atap aitsaq, songhy statistika boyynsha qazaqstandaghy qazaqtar sany 11 million 300 myngha jaqyndaghan. Solay bola túra qazaq tildi BAQ-qa degen súranys artpay keledi.  El aumaghyndaghy qazaqtardyng qonystanu ýlesi tómendegidey:

Búdan soltýstik oblystardaghy qazaqy júrttyng az boluy aqparattyq soghys jýrip otyrghan býgingi tanda qauipti ýrdis ekenin angharugha bolady. Qazirgi Ukraina aqparat qúraldary Reseyden kelip jatqan aqparattyq tasqyngha tótep berip otyr, bizding de BAQ salasyndaghy kýshimiz nyghaya týsui kerek.

Pikir, tәjiriybe almasu formatynda ótken sharada qazaqtildi dәstýrli BAQ pen qazaqtildi jana mediadaghy jarnama naryghy jәne Qazaqstandaghy ghalamtor qoldanushylary tap bolyp otyrghan mәseleler jayly sóz qozghaldy. Qazaq auditoriyasy men qazaqsha kontent jasaushy sayttardyng bir-birimen ara qatynasy jәne internet jobalardy qarjylandyru isi de nazardan tys qalghan joq.

“Memleketting baspasózdi damytugha bólip otyrghan qarjysy Jalpy Ishki Ónimning 3,9%-yn ústap otyr. Búl degeniniz bilim salasyna bóletin qarjymen ten” deydi Aydos Sarym.  Onyng sózi boyynsha Qazaqstanda 100 adamgha 160 úyaly telefon, 24 noutbukten keledi. Osy túrghydan alyp qaraghanda ghalamtordyng bolashaghy bizde óte zor. Qazaqstanda 16 men 74 jastyng aralyghyndaghy adamdardyng ghalamtor qoldanatyndary 60%, 6-74 jas aralyghynda 62%-dy kórsetip túr. Al, jalpy kórsetkish boyynsha qazaqstandyqtardyng 67%-y ghalamtordy paydalanady.

Treningte keltirilgen derek boyynsha qazaqstandyq jarnama ainalymynda 1 milliard dollar jýredi. Al statistika agenttigi 262 million dollardyng esebin shygharghan. Búdan jarnama naryghynyng ózinde de qara naryq qalyptasqanyn angharu qiyn emes. Alayda osynshama qarajattyng qay tildegi, qay saladaghy BAQ-qa júmsalyp jatqany turaly naqty derek joq. Bir anyghy qazaq tildi basylym betteri men aqparat qúraldarynda, atap aitsaq “Qazaq radiosy”, “Shalqar radiosy” syndy el aumaghynda taralymy eng joghary radiolarda, memlekettik taralymy 50 mynnan asatyn gazet-jurnal betterinde jarnama joqtyng qasy. Jarnamalyq tabystar qazaq tildi BAQ-tyng qaltasyna týsetin bolsa qazaq baspasózi kýsheye týsetini anyq, әriyne búl keybireuler ýshin qajetsiz dýniye. Qazaqstandaghy jarnamanyng naryghyn ústaushy manyzdy top eng iri elu kompaniya. Tútynushylarynyng kóbi qazaq bola túra jarnamanyng orys tilinde taraluy aqylgha siymsyz dýniye. Treningke qatysushylar «qazaq tildi BAQ el aumaghynda jarnamagha múqtaj barsha óndiristik oryndardy qazaq tilinde jarnama beruge “mәjbýrlegeni” jón»,- dep toqaylasyp, tek orys tilinde jarnama berushi kompaniyalargha baykot jariyalau mәselesi de sóz boldy.  Sonday-aq aqparattyq kenistikte de birlikting qajet ekeni basa aityldy. Jiyn sonynda sharagha qatysushylar estelik suretke týsip, kezekti treningte bas qosugha uaghdalasyp tarasty.

Núrghaly Núrtay

Abai.kz