Seysenbi, 19 Qaraşa 2019
Qoğam 3475 0 pikir 21 Säuir, 2014 sağat 21:23

SİM: Jurnaldıñ Gitlerge arnalğan sanı - öreskel jayt

Sırtqı ister ministrligi «Añız adam» jurnalınıñ Gitler turalı segizinşi sanına qatıstı mälimdeme tarattı.

Añız adam jurnalındağı Gitler turalı aqparatqa qatıstı QR Sırtqı ister ministrligi Baspasöz qızmetiniñ tüsiniktemesi

"Adamzat tarihındağı eñ qanişer zalımdardıñ birine arnalğan bwl jurnaldıñ şığuın müldem orınsız jäne öreskel jayt dep sanaymız.

Bwl milliondağan adamdardıñ, äsirese faşizmge qarsı qaysarlıqpen küresken, otanımızdı jan türşiktirgen gitlerlik maşinadan qorğağan Wlı otan soğısı ardagerleriniñ jäne soğıs alañında qaza tapqan jauıngerlerdiñ sezimderi men jadın jäbirleuşilik dep bilemiz.

Qazirgi tañda Qazaqstannıñ qwzıretti organdarı atalğan jurnaldıñ mazmwnına qatıstı Qazaqstan Respublikasınıñ Konstituciyası men zañnamalarına qarama-qayşılığı twrğısınan zañdı bağa berumen aynalısuda, sonıñ nätijeleri boyınşa qorıtındılar şığarılıp, tiisti şaralar qoldanılatın boladı.

Atalmış basılımnıñ şığuına baylanıstı Resey Federaciyasınıñ Qazaqstan Respublikasındağı Elşiliginen nota kelip tüsti, oğan jauap diplomatiyalıq arnalar arqılı joldanatın boladı».

Bwğan deyin yağni, 18 säuir küni Qazaqstandağı Resey elşiligi Qazaqstannıñ işki sayasat mekemesine «Añız adam» jurnalınıñ kezekti sanınıñ Gitlerge arnaluına qatıstı arnayı nota jibergen. Onda «ekinşi düniejüzilik soğıstıñ 69 jıldığı qarsañında mwnday dünielerdiñ jarıq körui qorlau bolıp tabıladı, sondıqtan Qazaqstan aumağında mwnday dünielerdiñ jarıq köruine jol bermuge jäne jurnaldıñ Gitler turalı sanına naqtı resmi bağa berip, şara qoldanuğa şaqıramız» delingen.

Abai.kz

0 pikir