جۇما, 29 ناۋرىز 2024
قوعام 5723 0 پىكىر 21 ءساۋىر, 2014 ساعات 21:23

ءسىم: جۋرنالدىڭ گيتلەرگە ارنالعان سانى - ورەسكەل جايت

سىرتقى ىستەر مينيسترلىگى «اڭىز ادام» جۋرنالىنىڭ گيتلەر تۋرالى سەگىزىنشى سانىنا قاتىستى مالىمدەمە تاراتتى.

اڭىز ادام جۋرنالىنداعى گيتلەر تۋرالى اقپاراتقا قاتىستى قر سىرتقى ىستەر مينيسترلىگى ءباسپاسوز قىزمەتىنىڭ تۇسىنىكتەمەسى

"ادامزات تاريحىنداعى ەڭ قانىشەر زالىمداردىڭ بىرىنە ارنالعان بۇل جۋرنالدىڭ شىعۋىن مۇلدەم ورىنسىز جانە ورەسكەل جايت دەپ سانايمىز.

بۇل ميلليونداعان ادامداردىڭ، اسىرەسە فاشيزمگە قارسى قايسارلىقپەن كۇرەسكەن، وتانىمىزدى جان تۇرشىكتىرگەن گيتلەرلىك ماشينادان قورعاعان ۇلى وتان سوعىسى ارداگەرلەرىنىڭ جانە سوعىس الاڭىندا قازا تاپقان جاۋىنگەرلەردىڭ سەزىمدەرى مەن جادىن جابىرلەۋشىلىك دەپ بىلەمىز.

قازىرگى تاڭدا قازاقستاننىڭ قۇزىرەتتى ورگاندارى اتالعان جۋرنالدىڭ مازمۇنىنا قاتىستى قازاقستان رەسپۋبليكاسىنىڭ كونستيتۋتسياسى مەن زاڭنامالارىنا قاراما-قايشىلىعى تۇرعىسىنان زاڭدى باعا بەرۋمەن اينالىسۋدا، سونىڭ ناتيجەلەرى بويىنشا قورىتىندىلار شىعارىلىپ، ءتيىستى شارالار قولدانىلاتىن بولادى.

اتالمىش باسىلىمنىڭ شىعۋىنا بايلانىستى رەسەي فەدەراتسياسىنىڭ قازاقستان رەسپۋبليكاسىنداعى ەلشىلىگىنەن نوتا كەلىپ ءتۇستى، وعان جاۋاپ ديپلوماتيالىق ارنالار ارقىلى جولداناتىن بولادى».

بۇعان دەيىن ياعني، 18 ءساۋىر كۇنى قازاقستانداعى رەسەي ەلشىلىگى قازاقستاننىڭ ىشكى ساياسات مەكەمەسىنە «اڭىز ادام» جۋرنالىنىڭ كەزەكتى سانىنىڭ گيتلەرگە ارنالۋىنا قاتىستى ارنايى نوتا جىبەرگەن. وندا «ەكىنشى دۇنيەجۇزىلىك سوعىستىڭ 69 جىلدىعى قارساڭىندا مۇنداي دۇنيەلەردىڭ جارىق كورۋى قورلاۋ بولىپ تابىلادى، سوندىقتان قازاقستان اۋماعىندا مۇنداي دۇنيەلەردىڭ جارىق كورۋىنە جول بەرمۋگە جانە جۋرنالدىڭ گيتلەر تۋرالى سانىنا ناقتى رەسمي باعا بەرىپ، شارا قولدانۋعا شاقىرامىز» دەلىنگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541