Särsenbi, 20 Qaraşa 2019
Jañalıqtar 1379 0 pikir 24 Şilde, 2012 sağat 08:33

Qajımwqan Ğabdolla. Qazirgi qazaq deputatı qanday?

Keñestiñ kezeñdi köp sögemiz, söge-jamandaymız. Rasında, orıstıñ qolına qarağan künder qarañğı: keleşegi - küñgirt, bolaşağı - bwlıñğır bolatın...

Biraq, keñestiñ deputatın, yağni, qarapayım jwrtşılıqtıñ ökilin «halıq qalaulısı» dep qwrmetpen atap, mwqım el barlıq şağımı men arızın deputatqa amanat etip jükteytin de, naqtı nätijesin kütetin... Jäne sol halıqtıñ amanatı sözsiz orındalıp, naqtı nätijesin beretin: auıldarğa oqtay tüzu joldar salınatın, özenderge mıqtı köpirler töseletin, naqaq küyip, jazıqsız sottalğandar erkindikke şığatın...

Qazir qalay?..

Qazirgi Mäjilis pen Senattıñ deputattarınıñ resmi jalaqısı 700 mıñ teñgeden - 1 mln teñgege deyin jetedi. Qızmettik päterleri men kölikteri bar jäne biz bilmeytin qanşama jeñildikter men sıyaqılar alatındığın bir qwday  men özderi ğana biledi...

Qazirgi qazaqtıñ deputatınıñ tağı bir biletini: as işip, ayaq bosatu. Qazaq deputatınıñ bilmeytininiñ şegi joq: mısalı, halıqtıñ mwñın tıñdamaydı, tıñdamağandıqtan - bilmeydi; dükender men bazarlarğa barmaydı, barmağandıqtan - bağalardıñ şarıqtap ösip jatqanınan bilmeydi...

Keñestiñ kezeñdi köp sögemiz, söge-jamandaymız. Rasında, orıstıñ qolına qarağan künder qarañğı: keleşegi - küñgirt, bolaşağı - bwlıñğır bolatın...

Biraq, keñestiñ deputatın, yağni, qarapayım jwrtşılıqtıñ ökilin «halıq qalaulısı» dep qwrmetpen atap, mwqım el barlıq şağımı men arızın deputatqa amanat etip jükteytin de, naqtı nätijesin kütetin... Jäne sol halıqtıñ amanatı sözsiz orındalıp, naqtı nätijesin beretin: auıldarğa oqtay tüzu joldar salınatın, özenderge mıqtı köpirler töseletin, naqaq küyip, jazıqsız sottalğandar erkindikke şığatın...

Qazir qalay?..

Qazirgi Mäjilis pen Senattıñ deputattarınıñ resmi jalaqısı 700 mıñ teñgeden - 1 mln teñgege deyin jetedi. Qızmettik päterleri men kölikteri bar jäne biz bilmeytin qanşama jeñildikter men sıyaqılar alatındığın bir qwday  men özderi ğana biledi...

Qazirgi qazaqtıñ deputatınıñ tağı bir biletini: as işip, ayaq bosatu. Qazaq deputatınıñ bilmeytininiñ şegi joq: mısalı, halıqtıñ mwñın tıñdamaydı, tıñdamağandıqtan - bilmeydi; dükender men bazarlarğa barmaydı, barmağandıqtan - bağalardıñ şarıqtap ösip jatqanınan bilmeydi...

Sosın, mwnayşılardıñ mwñdarın da bilmeydi, Jañaözende mwnayşılardı qoyday qıruğa kimniñ nwsqau bergenin de bilmeydi, kimderdiñ oq atqanın da bilmeydi, mwnayşılardı naqaq, dälelsiz sottauğa kimniñ lwqsat bergenin de bilmeydi; şekaraşı jastardıñ kimniñ örtegenin de, nege örtengenin de bilmeydi, Janbolat Mamaydıñ abaqtığa nelikten tüskenin de bilmeydi...

Sonda qazaq deputatı ne biledi?

Qazaq deputatınıñ biletini: deputattıqqa öterdiñ aldındağı süzgiden sürinbey ötui; sayasi közqarasınıñ bilikpen biteqaynasuı; ayrıqşa da oğaş pikirlerden ada boluı; «mağınasız» mälimdemelerden boydı aulaq saluı; joğarıdan tüsken nwsqaularğa qarsı bolmauı; jeke közqaras tanıtıp, asa belsendilikpen jarqırap alğa şıqpauı; biliktiñ batasınsız äriptesterimen birigip, toptar men «tobırlar» qwrmauı; byudjetti qabıldauda berekesizdik te etpeui, qalğıp ta ketpeui t. s. s.

...Kommunister men kapitalister bir qazannan as işip, adamzat tarihında bwrın-soñdı bolmağan sayasi töñkeris jasağan Qazaq Eliniñ jaña Mäjilisi altı aydıñ işinde 70-ke tarta zañ jobaların qarastırıp, 300-dey deputattıq saualdar joldaptı... Äytkenmen, bwlqınğan bağa - toqtar emes, jırtılğan jağa - bütindeler emes...

«Qatqan» altı ay - jatqan jartı ayğa wlasıp, deputattar demderin basıp, emderin alıp, bastarın qasıp jatır...

Alda alar talay asular bar: Aqordanıñ «jürek lüpilin» däp basıp, döp tabu - «qalaulılardıñ» ğana qolınan keledi... («Qalğanı kül bolmasa, bül bolsın!..»)

«Abay-aqparat»

0 pikir