Qazaqstan Respublikasy Bas Prokurorynyng orynbasary B. B. Dembaevtyng «Prokuratura turaly» Zannyng 31-baby tәrtibinde ýndeui

QÚRMETTI AZAMATTAR!

2020 jylghy 7 aqpanda Jambyl oblysynyng Qorday audanynda jappay tóbeles oryn alghan.

Býginge birqatar qylmystyq ister tergelude, olardyng barysynda barlyq kinәlilerdi anyqtap, zanmen belgilengen jauaptylyqqa tartu ýshin sharalar qamtamasyz etiletin bolady.

Degenmen, jekelegen túlghalar bolghan oqighalardy búrmalay otyryp, últtyq negizdegi qúqyqqa qarsy әreketterge shaqyru arqyly kórineu jalghan aqparatty qasaqana taratuda.

Áleumettik jeliler men messendjerlerde beyne- jәne audiomaterialdardy ornalastyrudyng jana faktileri, sonyng ishinde Qorday audanyndaghy oqighalargha baylanysty emes jәne ónir men eldegi últaralyq túraqtylyqqa qauip tóndiretinder jýieli týrde tirkelude.

Qúqyq qorghau organdary osynday arandatushylyq jariyalanymdardyng avtorlarynyng jeke basyn anyqtady, olar qylmystyq jauapkershilikke tartyluda.

Almaty qalasynda 1990 jәne 1987 jyldary tuylghan eki azamat «Facebook» әleumettik jelisinde zorlyq-zombylyq jasaugha shaqyrghan.

2020 jyldyng 9 aqpanynda Taraz qalasynyng 1983 jyly tuylghan túrghyny «WhatsApp» messendjeri arqyly osy tektes shaqyrular taratqan.

Olargha qatysty Qylmystyq kodeksting 272-babynyng 3-bóligi (azamattardy zorlyq-zombylyqqa shaqyru) boyynsha sotqa deyingi tergep-tekseru bastaldy.

Zandylyqty, qoghamdyq qauipsizdikti qamtamasyz etu jәne qúqyq búzushylyqtardyng aldyn alu maqsatynda elimizding barlyq túrghyndarynan mening ýndeuime kónil audarudy súraymyn!

Qazaqstan Respublikasy Konstitusiyasynyng 39-baby últaralyq kelisimdi búzatyn kez kelgen is-әreketterge tyiym salady.

Osy talapty búzu últtyq arazdyqty jәne alauyzdyqty qozdyru jónindegi qasaqana is-әreketter (QK-ting 174-baby), jappay tәrtipsizdikke ne azamattargha zorlyq-zombylyq jasaugha shaqyru (QK-ting 272-baby) jәne kórineu jalghan aqparat taratu (QK-ting 274-baby) qylmystyq jauaptylyqqa әkep soghady.

Osyghan baylanysty azamattardy shyndyqqa sәikes kelmeytin mәlimetterdi taratpaugha jәne arandatushylyqqa berilmeuge shaqyramyn.

Jambyl oblysynyng Qorday audanyndaghy oqighalar boyynsha tergeu barysy men nәtiyjeleri turaly shynayy aqparat búqaralyq aqparat qúraldarynda, ishki ister jәne prokuratura organdarynyng resmy Internet-resurstarynda ornalastyryluda, qoghamgha brifingterde jetkizilude.

Qúqyq qorghau organdary kez kelgen qúqyq búzushylyqtardyng jolyn kesedi jәne olardy boldyrmau jóninde zanda kózdelgen sharalardy qabyldaydy.

Qazaqstan Respublikasy Bas Prokurorynyng orynbasary B. Dembaev

Abai.kz