Särsenbi, 12 Tamız 2020
COVID-19 QAZAQSTANDA. Jwqtırğandar — 100855. Jazılğandar — 74677. Qaytıs bolğandar — 1269
1503 6 pikir 12 Aqpan, 2020 sağat 15:21

Prokuraturanıñ ündeui

Qazaqstan Respublikası Bas Prokurorınıñ orınbasarı B. B. Dembaevtıñ «Prokuratura turalı» Zañnıñ 31-babı tärtibinde ündeui

QWRMETTİ AZAMATTAR!

2020 jılğı 7 aqpanda Jambıl oblısınıñ Qorday audanında jappay töbeles orın alğan.

Büginge birqatar qılmıstıq ister tergelude, olardıñ barısında barlıq kinälilerdi anıqtap, zañmen belgilengen jauaptılıqqa tartu üşin şaralar qamtamasız etiletin boladı.

Degenmen, jekelegen twlğalar bolğan oqiğalardı bwrmalay otırıp, wlttıq negizdegi qwqıqqa qarsı äreketterge şaqıru arqılı körineu jalğan aqparattı qasaqana taratuda.

Äleumettik jeliler men messendjerlerde beyne- jäne audiomaterialdardı ornalastırudıñ jaña faktileri, sonıñ işinde Qorday audanındağı oqiğalarğa baylanıstı emes jäne öñir men eldegi wltaralıq twraqtılıqqa qauip töndiretinder jüyeli türde tirkelude.

Qwqıq qorğau organdarı osınday arandatuşılıq jariyalanımdardıñ avtorlarınıñ jeke basın anıqtadı, olar qılmıstıq jauapkerşilikke tartıluda.

Almatı qalasında 1990 jäne 1987 jıldarı tuılğan eki azamat «Facebook» äleumettik jelisinde zorlıq-zombılıq jasauğa şaqırğan.

2020 jıldıñ 9 aqpanında Taraz qalasınıñ 1983 jılı tuılğan twrğını «WhatsApp» messendjeri arqılı osı tektes şaqırular taratqan.

Olarğa qatıstı Qılmıstıq kodekstiñ 272-babınıñ 3-böligi (azamattardı zorlıq-zombılıqqa şaqıru) boyınşa sotqa deyingi tergep-tekseru bastaldı.

Zañdılıqtı, qoğamdıq qauipsizdikti qamtamasız etu jäne qwqıq bwzuşılıqtardıñ aldın alu maqsatında elimizdiñ barlıq twrğındarınan meniñ ündeuime köñil audarudı swraymın!

Qazaqstan Respublikası Konstituciyasınıñ 39-babı wltaralıq kelisimdi bwzatın kez kelgen is-äreketterge tıyım saladı.

Osı talaptı bwzu wlttıq arazdıqtı jäne alauızdıqtı qozdıru jönindegi qasaqana is-äreketter (QK-tiñ 174-babı), jappay tärtipsizdikke ne azamattarğa zorlıq-zombılıq jasauğa şaqıru (QK-tiñ 272-babı) jäne körineu jalğan aqparat taratu (QK-tiñ 274-babı) qılmıstıq jauaptılıqqa äkep soğadı.

Osığan baylanıstı azamattardı şındıqqa säykes kelmeytin mälimetterdi taratpauğa jäne arandatuşılıqqa berilmeuge şaqıramın.

Jambıl oblısınıñ Qorday audanındağı oqiğalar boyınşa tergeu barısı men nätijeleri turalı şınayı aqparat bwqaralıq aqparat qwraldarında, işki ister jäne prokuratura organdarınıñ resmi Internet-resurstarında ornalastırıluda, qoğamğa brifingterde jetkizilude.

Qwqıq qorğau organdarı kez kelgen qwqıq bwzuşılıqtardıñ jolın kesedi jäne olardı boldırmau jöninde zañda közdelgen şaralardı qabıldaydı.

 

Qazaqstan Respublikası Bas Prokurorınıñ orınbasarı B. Dembaev

Abai.kz

6 pikir