Хаттамаға президенттікке үміткерлер қол қойып, сайлау нәтижесіне күмән келтірмейтіндерін білдірді.
Зеленский екінші турда 73 пайыздан астам дауысқа ие болды, ал оның қарсыласы Пётр Порошенко 24 пайыз дауыс жинады. Львов облысын қоспағанда, Порошенконың қарсыласы Украинаның барлық аймақтарында жеңіске жетті. Порошенко шетелдегі азаматтардың көп дауысына ие болды. Ресейде дауыс беру жүргізілмеді.
Владимир Зеленский 41 жаста. Ол актёр, шоумен және продюсер, "Квартал-95" студиясының жетекшісі, сайлауға түскенге дейін саясатқа араласпаған, мемлекеттік қызметте болмаған.
Оның қарсыласы болған Пётр Порошенко елді 2014 жылдан бері басқарып келді.
Abai.kz
