2000-шы жылдардың басында Ердоған билікке келгеннен кейін өзіне дейін мемлекет басқарған элитаның шетелмен жасасқан небір құпия құжаттары мен келісімдерін оқып, танысып "Уа, жаратушым, мына Түркия кімдердің қолында қалған?" деген екен.

Біздің елде мектеп ғимараттарын арендаға беріп бизнес жасаңдар деген кісілер де ел басқарып жүр. Кейде осындай анекдотқа бергісіз әңгімелерді элитаның аузынан естігенде "Осы біздің елді кімдер басқарып отыр?" деген сұрақты өзіңе еріксіз қоясың.

Бір нәрсе анық. Бізді тәуелсіздік алған 27 жылда ешқашан, ешкіммен конкуренцияға түсіп көрмеген, тек жабық әрі өзінің комфортный зонасында ғана өмір сүре алатын "элита" басқарып отыр. Өздері өзіне жасап алған комфортный зонаның шаңырағы шайқалған күні аттан ауып түсуі мүмкін. Конкуренция жоқ жүйеде білікті мамандардан көрі жоғарыдағы санаулы басшыға жаға білген азаматтар ғана өседі. Неше түрлі анекдоттарды жиі-жиі естіп тұратынымыз да осы бәсекесіз, жабық жүйенің жемісі.

"Элитаның" аузынан ел ішінде анекдот болатын неше түрлі ақылдарды әлі көөөп ести беретін боламыз...

Бауыржан Серікбайдың facebook парақшасынан

Abai.kz