Сейсенбі, 5 Наурыз 2024
Білгенге маржан 6618 0 пікір 30 Қаңтар, 2017 сағат 17:47

ҮНДІ ДАНАЛЫҒЫ

Бүгін сіздердің назарларыңызға үнді даналығын ұсынамыз. Бұл – Орта Азияда, Үндістан түбегінде орналасқан халқының саны бойынша 2 орында тұрған ірі мемлекет. Бұл ғылым мен мәдениеті ертеден қалыптасқан ежелгі ел. Таңғажайып сезімдер сыйлайтын, тағдыры тереңнен тамыр алатын Үндістанның даналығы не дейді екен? Оқып көріңіз!


***

Жер бетіндегі соңғы ағаш кесілгенде, соңғы өзен ластанғанда, соңғы құс ұсталғанда ғана адамдар ақшаның жеуге жарамсыз екенін түсінеді. 

***

Адам бала кезінде – әкесі мен шешесі туралы ғана, жастық шағында – ғашығы туралы ғана, қартайғанда –балалары туралы ғана ойлайды. Сөйтіп, оның өзі туралы ойлауға қолы тимейді.

  ***

Адамды білгің келсе, оны ашуландыр. Адам – ыдыс секілді, іші неге толы болса, соны төгеді. 

***

Ақылды, әрі адал адаммен дос бол. Ақылды, әрі арам адамнан сақ бол. 

***

Сен туғанда жылап жаттың, ал әлем қуанып жатты. Өлерде сен қуанып, әлем жылап жататындай өмір сүр. 

***

Менің артымнан жүрме, мен сені адастыруым мүмкін. Менің алдыма түспе, мен сені аңдуым мүмкін. Менімен бірге жүр, бәрін жеңеміз! 

***

Адам өз нысанасын өзі таңдады ма, жебесін де өзі жасасын. 

***

Жұрттың көңілін өзіңе аудару үшін биікке шығуың керек. 

 

Аударманы әзірлеген Нұрсұлу Найманова.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 946
Алашорда

Қожанов межелеу науқанында

Бейбіт Қойшыбаев 645
Ғибырат

Қайсар рухты ғазиз жан

Мұхтар Құл-Мұхаммед 1355