Сейсенбі, 19 Қаңтар 2021
1205 6 пікір 26 Қараша, 2020 сағат 11:57

Франция Қарабақтың тәуелсіздігін мойындауға шақырды

Франция сенаты үкіметті Таулы Қарабақтың егемендігін тануға шақырған резолюцияны қабылдады. Бұл туралы Халықаралық француз радиосы хабарлады.

Құжатты 305 сенатор қолдап, біреуі қарсы болып, 30 депутат қалыс қалған.

Бес фракция депутаттары бірлесіп дайындаған резолюцияда "Түркияның экспансиялық саясатын" есепке алып қабылданып жатқаны жазылған. Мәтін авторлары Анкараның әрекеттерін Жерорта теңізіндегі, Таяу Шығыстағы және Закавказьедегі "тұрақсыздықтың негізгі факторы" деп атап, оның Францияға, оның ішінде жалпы Еуропаға қауіпті тұстарын атап өткен.

Резолюцияда Франция Ресей мен АҚШ секілді Таулы Қарақбатағы жанжалды реттеу бойынша ЕҚЫҰ-ның Минск тобының тең төрағасы екені көрсетілген. Осыған байланысты сенаторлор француз үкіметіне халықаралық бітімгерлік күштерін жіберуді ұсынды.

Құжатта бұдан бөлек "Қарабақтағы әскери қылмыстар" бойынша халықаралық тергеу жүргізу және жергілікті бейбіт халыққа гуманитарлық көмек көрсету керектігі жазылған.

Әзербайжан болса бұл резолюцияны қабылдамайтынын мәлімдеді. Елдің сыртқы істер министрлігі француз депутаттарының шешімі ешқандай заңдық күшке ие емес екенін айтты.

Abai.kz

6 пікір