جۇما, 22 قاڭتار 2021
1216 6 پىكىر 26 قاراشا, 2020 ساعات 11:57

فرانتسيا قاراباقتىڭ تاۋەلسىزدىگىن مويىنداۋعا شاقىردى

فرانتسيا سەناتى ۇكىمەتتى تاۋلى قاراباقتىڭ ەگەمەندىگىن تانۋعا شاقىرعان رەزوليۋتسيانى قابىلدادى. بۇل تۋرالى حالىقارالىق فرانتسۋز راديوسى حابارلادى.

قۇجاتتى 305 سەناتور قولداپ، بىرەۋى قارسى بولىپ، 30 دەپۋتات قالىس قالعان.

بەس فراكتسيا دەپۋتاتتارى بىرلەسىپ دايىنداعان رەزوليۋتسيادا "تۇركيانىڭ ەكسپانسيالىق ساياساتىن" ەسەپكە الىپ قابىلدانىپ جاتقانى جازىلعان. ءماتىن اۆتورلارى انكارانىڭ ارەكەتتەرىن جەرورتا تەڭىزىندەگى، تاياۋ شىعىستاعى جانە زاكاۆكازەدەگى "تۇراقسىزدىقتىڭ نەگىزگى فاكتورى" دەپ اتاپ، ونىڭ فرانتسياعا، ونىڭ ىشىندە جالپى ەۋروپاعا قاۋىپتى تۇستارىن اتاپ وتكەن.

رەزوليۋتسيادا فرانتسيا رەسەي مەن اقش سەكىلدى تاۋلى قاراقباتاعى جانجالدى رەتتەۋ بويىنشا ەقىۇ-نىڭ مينسك توبىنىڭ تەڭ توراعاسى ەكەنى كورسەتىلگەن. وسىعان بايلانىستى سەناتورلور فرانتسۋز ۇكىمەتىنە حالىقارالىق بىتىمگەرلىك كۇشتەرىن جىبەرۋدى ۇسىندى.

قۇجاتتا بۇدان بولەك "قاراباقتاعى اسكەري قىلمىستار" بويىنشا حالىقارالىق تەرگەۋ جۇرگىزۋ جانە جەرگىلىكتى بەيبىت حالىققا گۋمانيتارلىق كومەك كورسەتۋ كەرەكتىگى جازىلعان.

ازەربايجان بولسا بۇل رەزوليۋتسيانى قابىلدامايتىنىن مالىمدەدى. ەلدىڭ سىرتقى ىستەر مينيسترلىگى فرانتسۋز دەپۋتاتتارىنىڭ شەشىمى ەشقانداي زاڭدىق كۇشكە يە ەمەس ەكەنىن ايتتى.

Abai.kz

6 پىكىر