"Қала ішінде базаға (infoalmaty.kz порталы) енбеген адамдар да еркін жүре алады. Бірақ жұқпалы коронавирустан сақтану шараларын, тазалықты ұмытпаған жөн", - деді полиция департаментінің ресми өкілі Салтанат Әзірбек.

Қала шетіндегі 27 блокпост алынған жоқ: Алматыға арнайы рұқсатпен ғана кіріп-шығуға болады.

Қазақстанда 15 наурызда төтенше жағдай режимі жарияланды, жақында оның мерзімі 11 мамырға дейін создырылды. Бірақ бірнеше күн бұрын билік карантин тәртібін жұмсарту туралы шешім қабылдады. 4 мамырда бірқатар кәсіпорын жұмыс істей бастады.

Қазақстан денсаулық сақтау министрлігінің мәліметі бойынша, елде 4049 адам коронавирус жұқтырды, 1173 адам аурудан айықты. 29 науқас жұқпалы індеттен көз жұмды.

Abai.kz