Qoghamda qyzu talqygha týsken "Kók Jaylau" tau shanghy kurortyn salu mәselesi әli de kýntәrtibinde. Keshe Mәdeniyet jәne sport ministri Aqtoty Rayymqúlova atalghan jaytqa qatysty týsinikteme berdi. 

Múnday manyzdy mәselening saliqaly jauapty qajet etetining eskertken Rayymqúlova,Preziydent Toqaevtyng tapsyrmasymen qazir "Kók Jaylau" jobasy toqtap túrghanyn aitty.

-Qúrmetti dostar, qazaqstandyqtardyng kópshiligin alandatqan Almaty manyndaghy «Kók Jaylau» tau shanghysy kurortyn salu mәselesi basty nazarda.

Qoghamda pikirtalas tudyrghan múnday manyzdy mәsele saliqaly jauapty qajet etedi. Qoghamnyng mýddesin qorghap, janashyrlyq tanytqan qalamgerlerge aitar alghysym da sheksiz.

Ókinishke oray, atalghan bastama boyynsha jurnalisterge jauap beruge mýmkindigim bolmady. Osy taqyryp boyynsha qysqasha týsinikteme beru mýmkindigi endi ghana tudy.

Biylghy jyldyng sәuir aiynda Qazaqstan Preziydenti Qasym-Jomart Toqaevtyng tapsyrmasy boyynsha kurort qúrylysy toqtatylghany barshamyzgha ayan. Memleket basshysy búl mәselede asyghystyq tanytpay, sarapshylardyng taldaularyn zerttep, qala túrghyndarynyng pikirin eskeru qajet ekenin atap kórsetti. Sol kezdegi Almaty әkimi Bauyrjan Baybek Qasym-Jomart Toqaevtyng úsynysymen «Kók Jaylau» kurortynyng qúrylysy jobasyn tolyqtyru jәne toqtatu qajet ekenin aitqan bolatyn.

QR Mәdeniyet jәne sport ministrligi kez kelgen ýkimettik vedomstvo siyaqty birinshi kezekte qúqyqtyq normativtik aktilerdi zerttep dayyndaumen ainalysatynyn atap aitqym keledi. Kóp jaghdayda mәdeni, sport nemese turistik nysandardy salu turaly sheshimdi jergilikti atqaru organdary: әkimdik, mәslihat, qoghamdyq kenes (bolghan jaghdayda) qabyldaydy. «Kók Jaylau» kurorty búl ayadan tysqary shyghyp, ol boyynsha sheshimdi Preziydent qabyldady. Qazirgi sәtte Qasym-Jomart Kemelúly Toqaevtyng tapsyrmasy bәrimizge belgili: «Kók Jaylau» jobasy toqtap túrghanyn jetkizgim keledi.

Abai.kz