Q.Toqaevty maqtap jatqandar kóp. Olarmen jarysqa týsuden aulaqpyn. Jalpy jaghympazdyqty suhanym sýimeydi.

Osydan onshaqty jyl búryn bir maqala jazdym. Toqaevtyng premier-ministr túsyndaghy qabyldaghan Qaulysy turaly. Əlgi Qaulynyng məni - syrttan bizding elge engiziletin ərbir tauardyng syrtqy yarlyktary men núsqaulyqtary qazaq tilinde jazyluy kerek. Eger qazaqsha mətini bolmasa onday zat shekaradan ótkizilmeydi jəne ótip ketse sauda oryndarynda kontrbandalyq tauar retinde tanylady. Qysqasy, osy!

Osy Qaulynyng iygi yqpaly keremet boldy. Kórshi Resey men Qytaydyng kəsipkerleri qazaqshany qolgha aldy. Qylayaghy Shadrin sýt zauytynyng ózi qalbyrynyng syrtyna "Sýt" dep ýlken ərippen əshekey jasap, qúramyn qazaqsha jazyp kórsetti. Azyq-týlikten bastap barlyq tútynu tauarlary qazaqshalandy. Ol tústa Toqaevtyng búl isine mən bergen, mening sol bir shaghyn maqalama nazar audarghan jan bola qoyghan joq.

Aytayyn degenim, últ batyry dep dəriptelgen, jarnamasy jer jarghan talay premier-ministr ketti ghoy. Biraq, qazaq tili ýshin eng iri qadam jasap, ony ýnsiz ghana jýzege asyryp qoldanylu ayasyn keneytken bir ghana ýkimetbasshy osy Qasym-Jomart bolatyn. Əli de ýnsiz jýrip últ ýshin iygi ister jasay bersin, qolyna biylikti berdik qoy.

Quandyq Shamahayúlynyng facebook paraqshasynan

Abai.kz