Beretin jerimiz onsyz da joq!
– Qytaygha adamdardy beru toqtatylsyn! – degen úranmen qansha aptadan beri Gonkonda sheruler ótip jatyr.

Býgin týske qaray apam ekeumiz "Júldyzdar Alanyna" qaray suretke týsuge bet aldyq. Alang Gonkong Óner múrajayynyng (iyә, muzey emes...) qasynda ornalasqan. Jaqynday bergende qara kiyimdi jas adamdar jinala bastaghanyn kórdik. Apam bir mereke dep oilap kele jatqan boluy kerek. Sonshalyq kóp adamnyng qasynda azdap qysyla da bastady.

Alangha jetip alyp, oryn tauyp otyrghan kezimizde ýlken kóshe men metronyng ishinen ýlken kolonna shyghyp kele bastady. Endi ghana týsingen edim ne bop jatqanyn:
– Apa, býgin bizge tarihy oqighagha kuә bolu búiyryp túr-au.
– Qanday uaqigha?
– Biz kóterilisting ishinde otyrmyz, apa. Ne bolaryn kóreyik endi.
– Oibay, anau miting degenderi osy ma? Tynysh qoy mynalaryn.
– Beybit sheru ghoy, endi
– Aaaa, oipyrmay-ә?!
Biraz otyrdyq sheruding qasynda. Jaghalaugha ótetin jerdi jauyp qoydy. Bir kezde qasymyzda túrghan jas gonkondyq qytay jigitter keldi de sypayy týrde:
– Keshiriniz, qazir myna jerge taghy ýlken kolonnamyz kele jatyr. Ananyz qysylyp qaluy mýmkin. Ýlken kisi ghoy, eng dúrysy ananyzdy qonaqýy jaqqa aparghanynyz jón bolar! – dedi.

Apamdy qonaqýige kirgizdim de ózim dalagha shyqtym. Sheru bastalghan eken. Ortadaghy ýlken danghyl arqyly qalanyng ortalyq-batys jolymen aral bóligine qaray jol aldy meninshe. Búl sheruge bәri derlik qara kiyimmen shyghypty. Polisiya qyzmetkerleri boldy. Sheteldikterge sypayy týrde syrttan baqylaudy úsynyp jatty. Mening ýstimde qara mәiki bolghany ýshin eshtene degen joq. Áytse de óte beybit ótti. Sherushiler tipti, qala tynyshtyghyn búzbau ýshin zoraytar dybyspen basqarudyng ornyna jalpygha ortaq qol belgilerin oilap tapqan eken. Búrylatyn, toqtaytyn, úrandaytyn, jýretin barlyq әkshinnen aldyn barlyghy qolmen isharat jasap úiymdasyp jatty.

Búl sheru Gonkong territoriyasynda ústalghan jәne sottalghan adamdardy Qytay Ýkimetine (QHR) beru jayly zangha qarsy ótip jatyr. Qansha aptadan beri tolastaghan joq. Jalpy, Gonkong qytaylary únady maghan. "Izgilengen qoghamdar priymerno osynday bolady eken ghoy" dep sheruding artynan qimay qoshtasyp túrdyq bir afrikalyq, bir arab jәne men. Áp-sәtte janbyr tamshylay bastady. Sheru bir-aq mezette qolshatyrlar galereyasyna ainalyp kete bardy...