24 mausym kýni Arys qalasyndaghy әskery qoymada oryn alghan jarylys tútas Qazaqstandy tabanynan tik túrghyzdy deuge bolady. Qyryq mynnan asa qala túrghyny baspanalaryn tastap, basqa ónirlerdi uaqytsha panalady. Qalany jarylghysh zattardan tazalau júmystary birneshe kýnge jalghasyp, Týrkistan oblysynda tótenshe jaghday jariyalandy.

Arystaghy jarylystyng zardaby az bolghan joq. Aydyn-kýnning amanynda atpalday ýsh azamat qaytys boldy. Osydan keyin jauapty organdar jappay tekseris jýrgizip, jarylystyng sebebin anyqtar, kinәlilerdi tauyp jazalar dep sengen edik. Alayda, halyqtyng búl tilegi de oryndalmaytyn sekildi. Bizding biylik búl oqighany "tabighy apat" retinde qarastyryp jatqan kórinedi.

Búl turaly keshe Qorghanys ministri Núrlan Ermekbaev aitty. Birde Din isteri ministrligin, birde Qorghanys minitrligin basqara beretin "besaspap" ministr jurnalisterge bergen súhbatynda әskery qoymadaghy eski-qúsqy qaru-jaraq pen oq-dәrining jarylghanyn "tabighy apat" dep baghalapty.

"Búl bizding kinәmiz deuge bolmaydy. Búl tabighy apat. Árbir arsenaldyng qauipi bar. Ázirge halyqtan keshirim súraudyng esh sebebin kórip túrghan joqpyn", - deydi Ermekbaev.

Oqigha ornyna el preziydentining ózi baryp, halyqpen kezdeskende biylik basyndaghylar búl istegi óz qateligin tanyp, jauapkershilikterin moynyna alghan eken dep oilaghamyz. Biraq bizding biylik qashanghy әdetinshe "attan týsse de, ýzengiden týskisi kelmey" otyr. Jarylystan zardap shekken túrghyndargha kómek kórsetkenimen, jarylystyng sebebin anyqtap, kinәlilerdi jazalap, búnday kelensizdikti endi boldyrmaudy oilap otyrghan joq.

Biz ministr Ermekbaevting týsinigindegi "tabighy apat" pen shyn mәnindegi tabighy apattyng ara-jigin ajyratu ýshin belgili ekolog Azamathan Ámirtaydyng pikirin súradyq.

Azamathan Ámirtay, "Baytaq bolashaq" ekoaliyansynyng tóraghasy:

- Tabighy apattar qataryna su tasqyny, jer silkinisi, tenizding tolquy sekildi tabighattyng tosyn minezi qalyptastyrghan oqighalardy jatqyzamyz. Qazirgi tanda búl tabighy apattardyng ózin týrli tehnikaladyng kómegimen aldyn-ala boljap, zardabyn barynsha azaytugha mýmkindik bar. 

Al Arystaghy jaghday mýlde tabighy apat emes. Búl adamy faktordyng sebebinen oryn alghan oqigha. Búghan qyzmetine salghyrt qaraghan memlekettik organdar jauapty. Sebebi, Arystaghy búl әskery qoymanyng qauipti ekeni kópten beri aitylyp jýrdi. Sonau 2009 jyly deputat Erjan Isaqúlov Arysta Aughanystannan qalghan kóne oq-dәriler jatqanyn aityp, der kezinde tazalamasa aldaghy uaqytta ýlken jarylystar boluy mýmkin ekenin eskertken.

Tek Isaqúlov ghana emes basqa da adamdar búl mәseleni jii kóterdi. Alayda búghan eshkim qúlaq týrgen joq. Biylik basyndaghylar búghan bey-jay qarady. Shendilerding jauapkersizdiginen osy jarylys oryn alyp otyrghany anyq.

Mýmkin Ermekbaev Qorghanys ministrligine kelgenine kóp bolmaghandyqtan búl jayly bilmeytin shyghar. Biraq ol ministrlikte úzaq uaqyttan beri júmys istep kele jatqan basshylar, generaldar bar. Olardyng bilmeui mýmkin emes. Qauipsizdik kenesining de búl aqparattan tolyq habary bar. Demek, bile túra apattyng aldyn almaghany ýshin shendiler jauapty boluy kerek. Adam shyghynyna, ekonomikalyq shyghyngha osy iske qatysty lauazymdy túlghalar jauap berui kerek. Búl isti ayaqsyz qaldyrugha bolmaydy.

Erjan Isaqúlov, Mәjilis deputaty (2009 jylghy deputattyq saual):

- Aughanstannan Kenes Odaghynyng әskerin shygharghan kezde milliondaghan oq-dәrilerding barlyghyn osy Arys qalasyna әkelip saqtaghan. Sol sebepti ondaghy oq-dәriler әbden eskirgendikten, taghy bir kezekti jarylystyng boluy da ghajap emes. Tipti búdan da soraqy jarylystar boluy әbden mýmkin

Bizding úsynysymyz, osy iske qatysty memlekettik organnyng qyzmetkerleri Parlament mәjilisine kelip jauap bersin. Ol jerdegi oq-dәriler qalay saqtalady jәne olardy joy ýshin qanday is-sharalar jýrgizilip jatyr? Osy túrghyda esep berulerin súraymyz.

Erjan Isaqúlov búl deputattyq saualyn 2009 jyly 21 nauryz kýni keshki saghat 9-dar shamasynda Arystaghy әskery qoymada oryn alghan jarylystan keyin joldaghan edi. Ol jarylystan ýsh adam qaza tauyp, 14-i jaralanghan bolatyn.

Quanysh Qappas

Abai.kz