Elbasy Núrsúltan Nazarbaev bir jyl búryn Preziydentting bes әleumettik bastamasy dep atalatyn ýndeu jariyalaghan bolatyn. Ondaghy ýshinshi bastama - “Joghary bilim aludyng qoljetimdiligi men sapasyn arttyryp, student jastardyng jataqhanadaghy jaghdayyn jaqsartu” dep atalady. Osyghan sәikes elimizde birqatar sharalar atqarylyp jatyr.

Mәselen, býginde ontýstik astanada jataqhanalar sany ósken. Aldaghy eki jylda Almatyda 20 myng oryndyq 42 jataqhana salynady. Al, olardyng beseui biyl qoldanysqa berilmek. Mәselen, býginde Q.Sәtbaev atyndaghy uniyversiytetke tiyesili eki qabatty ghimaratqa kýrdeli jóndeu júmystary jýrip jatyr. Búryn kolledj bolghan búl nysan endi az uaqytta zaman talabyna say jabdyqtalghan jataqhanagha ainalmaq. Jalpy, Sәtbaev uniyversiytetinde 3 jarym myngha juyq student jataqhanagha múqtaj. Qazir unisversiytet 2 mynnan astam jasty studentter ýiimen qamtamasyz etip otyr. Uniyversiytetting departament diyrektory Amanjol Kenjehanúlynyng aituynsha, qala әkimshiliginen uniyversiytetke bólingen bos jer bar. Sol jerge 3 jataqhana salu josparlanyp otyrghan kórinedi. Al, rekonstruksiya jasap jatqan ghimarat 265 adamgha arnalghan jataqhana bolady eken. Búdan bólek, Sәtbaev uniyversiyteti Alghabas yqsham audanynan 1200 adamgha arnalghan zamanauy studenttik kampus salmaqshy.

Sonymen qatar Preziydent bastamasyna Dinmúhamed Qonaev atyndaghy Euraziyalyq zang akademiyasy da ýn qospaq. Búl oqu ornynda qazir 500 oryndyq jataqhana salynyp jatyr. D.Qonaev atyndaghy Euraziyalyq Zang akademiyasynyng prorektory Baqyt Shәkirovtyng aituynsha, uniyversiytetke shetten kelip týsken әr balanyng kvartira jaldap, ýlken qarjat shygharmauy ýshin uniyversiytet jataqhana qúrylystaryn josparlap, salyp jatqan kórinedi. Prorektordyng aituynsha, uniyversiytette shanyraq kótergen studentterge de arnayy bólmeler jasaqtalghan.

Al, jataqhana qúrylysynyng arhiytektory Berik Dәldenbaevtyng sózinshe, jataqhanagha sapaly qúrylys materialdary qoldanylyp, tiyisti talaptar múqiyat saqtalady. Ayta ketu kerek, qúrylys jýrip jatqan jerding astynda negizinen jertóle bar. Onyng astynda 1,5 metrlik plita qúiylghan. Sol plitanyng ýstine 500/500 kolonnalar qoyylyp, tórtinshi qabatqa deyin, odan ary qaray 400/400 kolonnalarmen ketedi. Onyng bәri esep boyynsha normalyq talaptar boyynsha jasalynghan.

Jalpy eldegi uniyversiytetterding 39-y Almatyda ornalasqan. Olarda ózge ónirlerden kelgen 93 myng student oqidy. Sondyqtan qalada jataqhana qúrylysyna erekshe mәn berilip otyr. Studenttik ýy salugha aumaghy 15 gektar bolatyn 25 jer telimi bólingen. Onyng ishinde 11 jer telimin әkimdik memlekettik qor esebinen berse, qalghandary uniyversiytetterge jasaghan reviziyadan keyin anyqtyldy. Nәtiyjesinde, qalada aldaghy eki jylda 20 myng oryndyq 42 jataqhana salynatyn bolady.

Abai.kz