N.Á. Nazarbaevtyng 2018  jylghy «Qazaqstandaghy 100 jana esim» jobasy 2018 jyldyng tamyz aiynan bastap ózining ekinshi kezenin ashyq dep jariyalady. Oghan -  bilim-ghylymy tolysqan, ýzdik maman, naghyz ýlgi bolarlyq jastar qatysa alady. Ol sonysymen de kópshilikke tanymal, aituly jobalardyng  birine ainaldy.

Aqparat jәne kommunikasiyalar ministrligi men Qazaqstan halqy Assambleyasy birlese úiymdastyrghan jobanyng ekinshi kezenine birshama ózgerister engizilgen bolatyn. Mәselen, alghashqy irikteu barysynda azamattar óz-ózin úsyna alsa, osy joly irikteu joba­gha qa­tysu turaly ótinishterdi ýki­met­­tik emes úiymdar arqyly beru әdisimen jýzege asyrylatyn bo­­lady. Osy orayda elimizde týrli sala boyynsha myndaghan ýkimet­­tik emes úiymdar júmys istep jat­­qanyn aita ketu kerek.

Bayqau qatysushylary el tarihynda erekshe qoltanbasymen qalatyny anyq. Ýzdikterding ómir joly bir-birine úqsamaydy. Olardyng úqsastyqtary qoghamgha tiygizgen paydasynda ghana desek qatelespeymiz.

Jәne búl joba jenimpazdarynyng jetistikteri jastardy ghana emes, ruhany janghyrugha úmtylghan barlyq jandargha oy salary sózsiz.

Osymen ekinshi mәrte úiymdastyrylyp otyrghan sharagha barlyghy 2 388 ótinim kelip týsken. Solardyng ishinen 29 jana esim ýzdik dep tanyldy. Elbasy jenimpazdardy jeke-jeke qúttyqtap, jetken jetistikterin baghamdady. Jobanyng kózdegeni de osy. «100 jana esim». Ózining enbegimen elengen, bilimimen belesterdi baghyndyrghan, ónerimen órge jýrgen zamandastarymyzdy qalyng kópshilikke tanytu, tanytyp qana qoymay, ózgege, әsirese óskeleng úrpaqqa ýlgi etip kórsetu – jobanyng negizgi maqsaty.

«Bolashaqqa baghdar: ruhany janghyru» maqalasynda Elbasy osy isti tapsyrghan kezde: «Olardyng jýrip ótken joly – kez kelgen statistikadan artyq kórsetkish», – degen bolatyn. Núrsúltan Nazarbaev, Qazaqstan Respublikasynyng Preziydenti: - «Bolashaqqa baghdar: ruhany janghyru» degen mening maqalamnyng arqasynda kelip otyrghan osy joba. Ekinshi ret zor quanyshpen kezdesip otyrmyn. Jalpy jastarmen aralasqandy jaqsy kóremin. Endi ghana minekey ózimiz qanatymyzdy jayyp, jahangha qazaqtyng kim ekenin, Qazaqstan degen memleketting bar ekenin, ol memleketti kartagha salyp, dýnie jýzine pash etkenimiz jaqynda ghana. Tarih ýshin, dýnie ýshin 27 jyl tәuelsizdik týk emes, bir mezgil ghana. Sonyng ishinde osynday jastardy tәrbiyelegenimizge men ózimdi óte baqyttymyn dep sanaymyn. «100 jana esimnin» ishinde jas ta bar, jasamys ta bar. Alayda qatysushylardyng deni jastar ekenin aita ketkenimiz jón. Ghylym, medisina, mәdeniyet, sport sekildi san salanyng sanlaqtary Elbasynyng aldynda sóz sóiledi.

Abai.kz