Kezdesu barysynda Núrsúltan Nazarbaevqa ministrlikting qazirgi qyzmeti jәne aldaghy júmys jospary turaly mәlimdeldi.

Elbasy syrtqy sayasy baghytymyzdyng sabaqtastyghyn qamtamasyz etuding jәne Qazaqstannyng strategiyalyq seriktesterimen yntymaqtastyqty nyghaytugha baghyttalghan sharalardy birtindep iske asyrudyng manyzdylyghyna toqtaldy.

– Elimizde eleuli sayasy ózgerister boldy. Biylikting qalypty әri beybit jolmen beriluin qamtamasyz etip, býkil әlemge Konstitusiya ayasynda әreket etetinimizdi kórsettik. Búl – barsha júrt ýshin aituly oqigha. Qazir eng bastysy – osyghan deyin qalyptasqan syrtqy sayasy baghytymyzdan ainymau. Eng aldymen, jaqyn kórshilerimizben aradaghy qatynastargha nazar audaru kerek. Búl qatynastar ózara senimge negizdeluge tiyis, – dedi Núrsúltan Nazarbaev.

Qazaqstannyng Túnghysh Preziydenti, sonday-aq, shet elderge jasalatyn saparlargha jәne halyqaralyq is-sharalargha múqiyat dayyndalu qajettigin atap ótti.

– Qazirgi tanda mynaday mәselelerge basa mәn beru kerek. Birinshiden, Ontýstik Koreya Preziydentining Qazaqstangha sapary. Ekinshiden, «Bir beldeu, bir jol» forumyna qatysu ýshin Qytay Halyq Respublikasyna jasalatyn sapar. Sonymen qatar, Euraziya ekonomikalyq odaghynyng mereytoylyq sammiytin ótkizu ýshin jaqsylap dayyndalu kerek. Onyng bes jyldyghyn elordamyzda atap ótemiz, – dedi Elbasy.

Syrtqy ister ministri B.Atamqúlov elimizde bolghan sayasy oqighalardy halyqaralyq úiymdardyng basshylary ong baghalap jatqanyn jetkizdi.

– Halyqaralyq úiymdardyng basshylary Qazaqstannyng halyqaralyq mindettemelerdi jýzege asyra beretinine senim bildirude. Álemdik qoghamdastyq Sizding jahandyq bastamalarynyzdy jәne qauipsizdikti qamtamasyz etuge qosqan ýlesinizdi, sonyng ishinde yadrolyq qarusyzdanu men yadrolyq qarudy taratpau isine sinirgen enbeginizdi joghary baghalauda, – dedi B.Atamqúlov.

Qazaqstan Respublikasynyng Túnghysh Preziydenti – Elbasynyng Baspasóz qyzmeti

Abai.kz